Grabitësit e Kim Kardashian raportohet se vodhën bizhuteri me vlerë mbi 11 milionë dollarë, përfshirë edhe unazën me diamant, 4 milionë dollarë. Por sa e lehtë është të shesësh një diamant të tillë që i përket një prej personave më të famshëm në botë?
Diamanti miliona dollarësh duhet të ketë ndonjë shenjë me laser, sipas tregtarit më të njohur të diamanteve me bazë në Londër, Neil Duttson.
BBC përpiqet të zbulojë sesi mund të shiten objektet me vlerë të grabitura njerëzve të njohur. Gurëve të tillë zakonisht iu lihet një shenjë me laser, e cila nuk duket me sy të lirë. Por kush e njeh mirë zanatin, mund të arrijë ta fshijë thotë eksperti.
“Shenja mund të hiqet nga dikush që e di mirë se çfarë po bën”, thotë Duttson.
Madhësia e diamantit mund të përbëjë probleme në treg! Një gur 4 milionë dollarësh me siguri që do të tërhiqte vëmendjen, ndaj nuk është çudi që grabitësit ta presin në pjesë më të vogla me shpresën se kështu, do të humbasin gjurmët. Kjo0 do të ulte vlerën e përgjithshme të diamantit origjinal, por mund të bënte diamante të reja, të padëgjueshme.
“Pasi prihet aq është, pjesët janë të padukshme, të zhdukura përgjithmonë. Ata me siguri e kanë tashmë dikë që heqin shenjat dhe e presin, ndërkohë që ne po flasim”, shprehet specialisti.
Burimi: BBC
