Marrëdhënia mes vjehrrës dhe nuses është disi delikate, në veprimet dhe fjalët që thuhen mes tyre. Nga ana tjetër duket se nuk mund të krahasohet me dashurinë e nënës.
Por vjehrra e Floriana Garos, gjatë një lidhje telefonike mëngjesin e sotëm në emisionin “Wake Up”, theu këtë ide duke u treguar e hapur për ndjenjat e saj lidhur me femrën që do ta bëjë shumë shpejt gjyshe.
Lumturi Ratkoceri, nëna e Enisit, një emër i njohur dhe për ne, pasi është në krye të Aleancës Kuqezi, ka thënë fjalët më të bukura që një vjehërr mund t’ia thotë një nuseje.
“E dashur Floriana, po bëhen gati 2 vjet qëkur u takuam për herë të parë. Për këtë arsye sot dua të falënderoj publikisht për gëzimin që solle në familjen tonë. Të falënderoj që u bërë pjesë e jona, për buzëqeshjen, dashurinë dhe bukurinë, por mbi të gjitha për ngrohtësinë dhe lumturinë që i jep tim biri. Të falënderoj për mbesën tonë që do të na falë gaz dhe hare. Ti e di sa e dua tim bir dhe dua të kuptosh që ai burrë i mençur, pasionant dhe i ndershëm që qëndron pranë teje, do të jetë gjithmonë fëmijë im. Për 30 vite jam kujdesur për të dhe i tregova rrugën drejt suksesit dhe nga sot po ta kaloj ty. Të kam besuar qenien e Enisit, prandaj sot të them publikisht se të dua si vajzën time. Im bir ka ditur të zgjedhë”, u shpreh ajo.
Garo nuk i përmbajti dot lotët, ndërsa falënderoi pafund vjehrrën e saj për atë që ajo është dhe sakrificat e shumta që ka bërë për rritjen e Enisit.
