Renditjen e deputetëve sipas të ardhurave më të larta të personave të familjes, kryesisht bashkëshortë apo bashkëjetues, e kryeson zoti Anastas Angjeli, pasi zonja Greta Angjeli ka siguruar gjatë 2016-ës të ardhura vetëm nga punësimi pranë AAEF (Albanian American Enterprise Fund) në vlerën njëqind e tridhjetë e katër mijë e shtatëqind e nëntëdhjetë e tetë dollarë. Familja Angjeli kryeson në renditjen sipas kategorisë të ardhura nga persona të familjes së deputetit, pasuar nga familja Ruçi, familja Berisha dhe familja Tafaj. Ndërsa sa u takon pagave për bashkëshortët apo bashkëjetues, lista e kryesuar nga zonja Angjeli pasohet nga bashkëshortja e deputetit Tom Doshi, zonja Xhovana Doshi , dhe pason me zotin Florion Mima, për shkak të pagës së zonjës Greta Mima, me zotin Parid Cara, si bashkëshort i zonjës Lorenza Pietra Benati.
Open Data Albania ka publikuar, për të dytin vit radhazi, Renditjen e Deputetëve të Kuvendit sipas vlerave, për të ardhura të deklaruara për vitin 2016.
Zyrtarët janë shpesh në qendër të vëmendjes dhe kontrollit të pasurisë së tyre për shkak të funksioneve publike që kryejnë. Open Data Albania publikoi Renditjen e Deputetëve të Kuvendit sipas vlerave, për të ardhura të deklaruara për vitin 2016.
Të ardhurat nga puna
Sipas deklarimeve për të ardhura nga puna dhe angazhimet profesionale, Deputeti më i paguar njësoj si një vit më parë 2015 edhe për vitin 2016 kryeson listën deputeti Anastas Angjeli, ish ministër i Financave i cili ka të ardhura nga Kuvendi në vlerën rreth dy pikë pese milionë lekë, dhe të ardhura nga mësimdhënie në universitete jo publike rreth dy pike nëntë milion lekë.
Lista pasohet nga Liljana Elmasi dhe Eleina Qirici, dy zonja deputete gjithashtu pjesë e angazhimit në universitete publike. Në raportimin me vetëdeklarim për të ardhurat nga paga bie në sy që deputetët bëjnë deklarime të ndryshme për të njëjtin pozicion. Ky ndryshim përkon me vetë deklarimin si pagë të disa bonuseve dhe shtesave në pagën e deputetit, bonuse dhe shtesa që nuk i nënshtrohen të njëjtit regjim të tatimit mbi të ardhurën sikurse paga./Monitor
