Do të bëni lule për një person të veçantë, mos mendoni se gjithmonë zgjedhjet janë rastësore.
E dini që çdo lule e vendosur në buqetë ka një kuptim të caktuar? Lulet janë pjesë e ngjarjeve të rëndësishme në jetën tonë. Ato i marrim në ditëlindje, në diplomim, në propozime të veçanta, në dasmë, për të na kërkuar falje, ditën e Shën Valentinit apo edhe në ceremoni mortore.
Kujtoni buqetat që keni marrë dhe zgjidhini me vëmendje lulet për dhuratat tuaja. Ja kuptimet e disa prej luleve që ju zbukurojnë dhe t’i zbukuroni jetën të tjerëve:
Alstroemeria është simboli i pasurisë, prosperitetit dhe pasurisë. Ajo është gjithashtu lulja e miqësisë.
Amarilis është simboli i bukurisë verbuese, tregon vlerën përtej bukurisë.
Anemone ka dy kuptime. Në anën e errët tregon venitjen e shpresës dhe braktisjen. Ndërsa në anën pozitive, simbolizon pritjen.
Anthurium simbolizon mikpritjen, tregon lumturi dhe bollëk.
Aster simbolizon durimin, hijeshinë dhe elegancën
Zogu i parajsës simbolizon gëzimin dhe madhështinë.
Zambaku simbolizon madhështinë dhe bukurinë. Zambakët e bardhë kombinojnë këto dy atribute me pastërtinë dhe pafajësinë e cila lidhet me ngjyrën e bardhën. Zambaku portokalli simbolizon pasionin, zambaku i verdhë simbolizon dëfrimin, ndërsa zambaku i luginës simbolizon ëmbëlsinë dhe pastërtinë e zemrës.
Lule delet simbolizojnë pafajësinë dhe pastërtinë.
Delphinium (Zhabinë) simbolizon zemrën e madhe, argëtimin, butësinë dhe mendjelehtësinë.
Gardenia simbolizon pastërtinë dhe ëmbëlsinë. Ajo tregon dashurinë e fshehtë, i përcjell mesazhin marrësit që është i bukur dhe i këndshëm.
Irisi simbolizon elokuencën. Irisi i purpurt simbolizon diturinë; irisi blu simbolizon besimin dhe shpresën; irisi i verdhë simbolizon pasionin, ndërsa irisi i bardhë pastërtinë.
Karafili simbolizon krenarinë dhe bukurinë. Karafili i kuq simbolizon dashurinë, krenarinë dhe admirimin; karafili rozë simbolizon dashurinë e një gruaje apo të një nëne; karafili i verdhë simbolizon përbuzjen, refuzimin apo zhgënjimin, ndërsa karafili i bardhë simbolizon pafajësinë dhe dashurinë e pastër.
Orkideja me shekuj ka qenë simbol i dashurisë, luksit dhe bukurisë.
