Të gjithëve na ka ndodhur: pas disa minutash në ujë, gishtat e duarve dhe këmbëve fillojnë të rrudhen. Edhe pse për shumë kohë mendohej se kjo ndodhte nga thithja e ujit nga lëkura, sot shkenca ka një shpjegim më interesant dhe… inteligjent!
Sipas studiuesve, rrudhosja e gishtave është një reagim automatik i sistemit nervor, jo thjesht një efekt fizik i lagështirës. Ky fenomen ndodh për të përmirësuar kapjen në mjedise të lagështa, duke e bërë më të lehtë që të kapim objekte ose të ecim në sipërfaqe të rrëshqitshme.
Ky “truk natyror” i trupit tonë besohet të jetë një mekanizëm evolucionar, që na ka ndihmuar të mbijetojmë më mirë në natyrë, veçanërisht në mjedise të lagështa, si pyje apo lumenj.
Pra, herën tjetër që shihni gishtat tuaj të rrudhur pas një dushi të gjatë, mos mendoni vetëm për ujë të nxehtë.
Është trupi juaj që ju përgatit të mos rrëshkisni!
