Tensionet mes Izraelit dhe Iranit kanë marrë një kthesë të rrezikshme pas një sulmi të drejtpërdrejtë ndaj godinës së televizionit shtetëror iranian. Ndërsa një prezantuese ishte në transmetim live, një shpërthim i fuqishëm ndërpreu gjithçka, moment që u regjistrua nga kamerat dhe ka bërë xhiron e botës.
Ky veprim vjen vetëm pak orë pas paralajmërimit të ministrit izraelit të Mbrojtjes, i cili deklaroi hapur: “Transmetuesi shtetëror i Iranit do të zhduket.”
Media iraniane ka reaguar menjëherë, duke akuzuar Izraelin se “po përpiqet të heshtë zërin e së vërtetës.” Deri tani nuk ka raportime të konfirmuara për viktima, por goditja ndaj një institucioni mediatik shënon një precedent të rrezikshëm në përshkallëzimin e krizës.
