Prej disa ditësh, në hyrje të qytetit të Poliçanit është vendosur një postbllok policie i cili lejon të kalojnë vetëm banorët e qytetit dhe askush tjetër.
Vendimi u mor pasi u konstatuan se në këtë qytet ka një numër të madh të sëmurësh me probleme të frymëmarrjes, prandaj edhe bashkia është detyruar që të ndërmarrë hapa të tillë.
“Poliçani është themeluar si qytet industrial në vitet ‘60-‘70 të shekullit të kaluar, kur nisi dhe ndërtimi i kombinatit ushtarak për prodhimin e armatimeve dhe municioneve luftarake. Pikërisht për këtë fakt, afro 15% e popullatës së këtij qyteti të vogël, vuan aktualisht nga sëmundje kronike dhe sidomos ato që kanë të bëjnë me rrugët e frymëmarrjes”, shkruan gazetari Artan Hoxha i “ABC News”.
Kjo bashki ka të regjistruar zyrtarisht 800 të sëmurë kronike për shkak të punës së vështirë dhe sëmundjeve profesionale të marra sidomos nga moshat e mëdha që kanë punuar për dekada me radhë në kombinatin ushtarak të këtij qytet, bën me dije gazetari.
