Fjala thonë se është më e rëndë se plumbi dhe këtë e vërtetoi “live” Linda Rei. Fjala “transgjinore” e përdorur nga Rudina Magjistari drejtuar saj u bë shkak i një debati, që tashmë po zgjat prej 3 ditësh.
Ishte Linda ajo që gjatë spektaklit “Dance With Me” e quajti Rudinën, ndonëse në mënyrë jo të drejtpërdrejtë, gazetare të painformuar, e cila solli më pas dhe një reagim nga ana e Rudinës. Duke iu përgjigjur disa komenteve në “Instagram”, Rudina ka insistuar se nuk ka gabuar, që e ka quajtur Lindën “trangjinore”, duke thënë se ky është një term i përdorur dhe nga psikologët.
Teksa Rudina ia vuri “kapakun” dje këtij debati, Linda e ka bërë këtë gjë sot. Nëpërmjet një postimi në rrjetet sociale, ajo shkruan se çdokush është i lirë të mendojë atë që dëshiron dhe se nuk pretendon absolutisht ta pëlqejnë të gjithë, sikurse ajo nuk i pëlqen të gjithë.
“Faleminderit të gjitha atyre që po më dedikojnë kohën e tyre. Më vjen keq që nuk kam reagime, as kritika për ju, sepse nuk më prek asgjë që thuhet… Mendoj që çdokush është i lirë të mendojë dhe të thotë atë që do, dhe nuk pretendoj që t’i pëlqej çdokujt, sepse as mua s’më pëlqejnë të gjithë, ndaj… Shijojeni”, shkruan ajo.
Ndërsa më pas shpërndau një video nga makina, me këngën e Noizy-t në sfond:
“Sa e stresuar që jam! Ha ha… asnjë nuk ma prish terezinë mua”, dëgjohet të thotë ajo
Ndoshta kjo vjen si një reagim i saj pas lajmit të mediave për publikimin e fotove nudo, të cilat zbuluan të kaluarën si eskortë të Linda Reit.
Burimi: Instagram
