Numri i jetëve të humbura nga koronavirusi në vendin tonë ka shkuar në 5, mes tyre edhe 43-vjeçari nga qyteti i Kavajës.
Ai ishte mbipeshë, por nuk vuante nga asnjë sëmundje tjetër ndaj vdekja e tij ka ardhur e papritur për popullin shqiptar.
Drejtori i Spitalit në Kavajë, Përparim Daiu, ka bërë një postim prekës për të ndjerin në llogarinë e tij në Facebook.
Ai ka treguar se 43-vjeçari ishte gjithmonë i gatshëm për të ndihmuar të tjerët dhe madje kishte dhuruar kontributin e tij për spitalin, pa dashur t’i përmendej emri.
“Nebi 1 djale flori, i qeshur dhe me 1 zemer te madhe na la. Na la pa fjale, me plot dhimbje se nuk e meritonte te ikte kaq shpejt. Por zoti eshte i madherishem dhe i di vete me mire se ç’ben. I merr te miret shpejt qe t’i kete prane. Ndjej ligeshtim ne shpirt sepse ai ishte plot force per te ndihmuar te tjeret, per te kontribuar ne ‘do gje qe ta bente me te lehte gjithcka, kurdohere qe i jepej mundesia. Ashtu siç la per Spitalin e Kavajes dhe me saktesisht pediatrine, me arredimin me perde, dysheke te rinj, me vendosjen ne cdo dhome te kondicionereve dhe paisjen e 1 dhome te vecante me lodra femijesh duke me thene: “E bej per qytetin tim, per femijet tane, te lutem s’dua qe te me permendesh emrin” …..Por ja tani, nuk mundesha qe mos ta nxirrja emrin. Per emrin qe ke lene e per gjithçka ke bere per shoket miqte te aferm, ke bere diçka qe ky qytet e cdo prind do te kujtoje. Per ne miqte e tu do ngelesh gjithmone Nebi, cuni flori me zemer te madhe. Shpirti yt qofte i xhehnetit!”- janë fjalët e tij.
https://www.facebook.com/daiuperparim/posts/10216477470105108
