Një tjetër raport i FBI-së ka zbuluar disa detaje të tjera nga vdekja e Halyna Hutchins në shesh-xhirim. Mësohet se Alec Baldwin tërhoqi këmbëzën e armës që vrau kineasten në setin e filmit “Rust”.
Kujtojmë që aktori më parë e ka mohuar këtë gjë, mirëpo raporti hedh poshtë deklaratën e tij.
Ngjarja e rëndë ndodhi në tetor 2021.
Mjekësia ligjore raporton se arma nuk mund të shkrepej kurrsesi nëse këmbëza nuk do të tërhiqej.
“Vdekja u shkaktua nga një armë zjarri në gjoks”, raporton Sky News.
“Rishikimi i raporteve të disponueshme të zbatimit të ligjit nuk tregoi asnjë demonstrim bindës se arma e zjarrit ishte e ngarkuar qëllimisht me municion të vërtetë”.
“Bazuar në të gjitha informacionet e disponueshme, duke përfshirë mungesën e qëllimit të dukshëm për të shkaktuar dëm ose vdekje, mënyra e vdekjes klasifikohet më së miri si aksident”.
Baldwin asokohe qëndroi në të njëjtin pozicion për 24 sekonda para se të vendoste dorën në gjoks dhe të mbulojë fytyrën me duar.
Mirëpo, së fundmi aktori ka folur pas raportit të FBI ku ka dhënë disa detaje.
Ai ka thënë në podkastin e Chris Cuomo: “Unë e di se çdo person që ishte në xhirimet e filmit e di se çfarë ndodhi, dhe njerëzit që flasin me zë të lartë për atë që ndodhi ose spekulojnë për atë që ndodhi nuk ishin në xhirimet e filmit”.
“Ata po spekulojnë vazhdimisht: ‘po sikur kjo’ apo ‘po nëse ajo’ dhe kanë darkuar për këtë dhe gjëja që kanë të përbashkët është se askush nuk ishte atje. Të gjithë ata që ishin aty, e dinë saktësisht se çfarë ka ndodhur. Ata e dinë saktësisht se kush është fajtori”-vijoi ai më tej.
“Ka vetëm një pyetje për të bërë këtu, kush e ka futur një fishek të vërtetë në armë?
“Unë nuk jam viktima këtu. Gjërat për mua do të përmirësohen, gjërat për mua do të sqarohen. Unë jam 1000 për qind i sigurt për këtë, por asgjë nuk do ta kthejë këtë grua. Ajo vdiq”- vijoi më tej.
