Mesa duket Lorik Cana nuk është vetëm idhull i të rinjve shqiptarë që duan të ndjekin rrugën e tij në futboll. Ish- kapiteni i Kombëtares Shqiptare ka fansa edhe jashtë vendit, që e duan dhe vlerësojnë punën e tij.
Pak orë më parë ai është surprizuar dhe ka marrë një letër mjaft të përzemërt nga një fans polak të cilën e ka publikuar në Instagram.
“I dashur Lorik Cana,
Dua të të uroj më të mirat dhe të të përgëzoj për suksesin në futboll. Jam një fans i madhi i joti që prej viteve kur luaje me O.Marseille. Më vonë të kam ndjekur në karrierën tënde në të gjitha klubet kombëtare. Ke qënë gjithmonë futbollisti im i preferuar, inspirimi dhe heroi im i fëmijërisë.
Prandaj dua të të kërkoj të më dërgosh një foto tënden me autograf. Kjo do të thotë shumë për mua, do të jem falenderues dhe shumë i lumtur.
Faleminderit për mirësinë dhe emocionet në futboll. Me këtë letër kam dëguar edhe një dhuratë të vogël për fondacionin ‘Lorik Cana 5 Foundation’”- shkruan fansi në letrën e Canës.
Futbollisti shqiptar nuk ka mundur ta fshehë emocionin dhe falenderimin për këtë fans duke postuar letrën dhe falenderuar për fjalët dhe dhurimin për fondacionin e tij që mbështet sportin.
https://www.instagram.com/p/BqpojXCA7Nw/
“Desha ta ndaj me ju këtë letër nga një fans i madh futbolli në Poloni dhe doja ta falenderoja atë për fjalët dhe donacionine tij në fondacionin “Lorik Cana Foundation”. Ti thua fjalë të vogla në letër, por për mua janë bota. Faleminderit Tomasz”- shkruan Loriku në postimin në Instagram.
https://www.instagram.com/p/Bph6K7tBiuC/
