Një ngjarje e papritur ka ndodhur në mesnatë në zonën e ish-Bllokut në Tiranë, ku Dj-i i njohur Vin Veli (Artvin Veli) është vënë në pranga.
Ngjarja ka ndodhur në një club në ish-Bllok, ku forcat speciale “Shqiponja” kanë ndërhyrë për të marrë Vin Velin nga club-i në zonën e Bllokut në kryeqytet.
Shqiptarja ka siguruar pamjet kur Dj-i merret dhe futet në makinë duke e dërguar në komisariat, ndërsa ende nuk dihen arsyet.
Bashkë me Dj-in janë shoqëruar edhe dy persona të tjerë. “Shqiptarja” bën me dije se club-i në fjalë është problematik, pasi shpesh herë kanë ndodhur sherre, ndërkohë që janë kapur edhe persona që konsumojnë lëndë narkotike.
Vin Veli është një personazh i njohur, pasi ka qenë i martuar me moderatoren Bora Zemani, me të cilën ka dhe një djalë por që janë ndarë pak kohë më parë.
