Sukseset nuk po ndalen për ish-konkurrenten e “Gjeniut të Vogël”, Inis Neziri.
Talenti i saj u pikas kur rrëmbeu çmimin e parë në spektaklin për fëmijë.
Më pas ajo fitoi çmimin e parë në festivalin muzikor ‘Golden Stage’ 2018 në Rumani, ku mori trofeun dhe vlera e çmimit ishte 25 mijë euro.
Dhe ashtu e pandalshme, Inisi tani po konkurron në Rusi, ku sërish po e bën për vete publikun dhe jurinë me zërin e saj dhe po përfaqëson denjësisht Shqipërinë. Ka qenë Aurela Gaçe ajo e cila shkroi për Inisin që po ndjek ëndrrat e saj jashtë kufinjve shqiptarë.
“WOW,Po ndodh ??❤? kjo vajzë super talent po përfaqëson Shqipërinë në Rusi. Mbrëmë ka marrë pikët maksimale nga e gjithë juria….. në datë 29 është finalja. #INIS NEZIRI @inis_neziri Festival #NewWave 2019
Më vjen keq që askush nuk flet. Shpresoj që media të shkruajë për këtë vajzë talent që po punon kaq fort por pa mbështetjen e medias, askush nuk informohet. Uroj që media të shkruajë diçka edhe për të rinj si Inisi që pa skandale ,por vetëm me punë,po prekin ëndrrat. Duke treguar se çfarë bën Inisi ,mund t’i japim forcë një të reje tjetër që të mos dorëzohet kurrë. Krenare për ty Inis”!
https://www.instagram.com/p/B1tLYP2gdzx/?igshid=1hpd15jed9ece
Deri më tani, Inisi po korr vetëm fitore në këtë spektakël, ndërsa pritet të shohim në fund të muajit sesi do të shkojë finalja!
I urojmë Inisit shumë suksese!
https://www.instagram.com/p/B1onDA9A9N7/
