Lidhja e tyre përfundoi para se Majk dhe Majlinda Zeka të bëheshin prindër për herë të parë. Secili vendosi që të vazhdonte jetën të ndarë, por gjithmonë duke iu përkushtuar vogëlushit Roan.
Pas lindjes së tij, nisën zërat se reperi ishte ribashkuar me ish-të dashurën, por kjo gjë u hodh poshtë pasi Majk u fotografua në krahët e një tjetër femre.
Prej pak kohësh ai është në një lidhje me Melitën dhe nuk e ka pasur aspak problem që të shfaqet me të hapur.
Nga ana tjetër, nëpër media nuk është publikuar asnjë detaj për jetën private të Majlindës, vajzës që zgjodhi të rrisë e vetme vogëlushin.
Së fundi, Majlinda duket e shoqëruar nga një këngëtar i njohur. Burak Vehapi është parë shpeshherë të shoqërojë ish-partneren e Majkit, madje përflitet se mes tyre ka nisur një romancë.
Një foto e publikuar nga “lajmi.net” rriti dyshimet se mes tyre ka më shumë sesa miqësi, por ende nuk është konfirmuar asgjë.
