Një tjetër shqiptar ka ndërruar jetë nga koronavirusi.
“ABCNews” njofton se sipas burimeve nga Ministria e Jashtme, shqiptari ndodhej në Indonezi dhe ishte 84 vjeç.
Numri i shqiptarëve të prekur nga koronavirusi në Indonezi është tre.
Deri më tani kanë ndërruar jetë dy shqiptarë brenda territorit të vendit, një 66-vjeçar nga Lushnja, i cili prej ditësh ishte i shtruar në Spitalin Infektiv dhe një e moshuar 73-vjeçare nga Durrësi, e cila vuante nga një sërë sëmundjesh.
Në Shqipëri janë konfirmuar nga ministria 64 raste pozitive me koronavirus, ndërsa pritet nga çasti në çast që ISHP të dalë në një deklaratë informuese mbi gjendjen e të infektuarve dhe testimet e reja.
Mbrëmjen e djeshme u shënua një rast tjetër me koronavirus në Patos dhe bëhet fjalë për një grua 85-vjeçare.
E moshuara ishte në vetëkarantinim prej disa ditësh dhe ka rezultuar pozitive, pasi djali i saj 61-vjeçar ndodhet prej ditesh në spitalin Infektiv në Tiranë. Pas këtij rasti, jozyrtarisht numri i të infektuarve shkon në 65.
/abcnews.al
