Kur je live shpesh incidentet janë të pashmangshme. Në natën hapëse të festivalit të 56-të në RTSH ndodhi një incident në këngën e fundit konkurruese.
Redon Makashi ishte këngëtari i fundit që u ngjit në skenë, i cili u prezantua me këngën “Ekziston”.
Makashi u rehatua në këndin e pianos dhe menjëherë filloi muzika. Ndërsa në sekondat e parë të këngës, dëgjohet zëri i Redonit:
“Stop! Stop, orkestra, stop… Nuk jeni mirë…!”.
Me sa duket mënyra se si ata po luanin, nuk po i pëlqente Redonit.
Ndërsa Adi Krasta nxitoi t’i afrohej këngëtarit për ta pyetur se çfarë ndodhi. “Orkestra nuk është mirë”, përsëriti edhe një herë Redoni, duke bërë më pas një kërkesë për publikun në sallën e Pallatit të Kongreseve:
“Një duartrokitje për orkestrën!”.
Më pas kënga nisi nga fillimi.
