Një incident i papritur ka ndodhur mbrëmjen e djeshme në shtëpinë e “Big Brother Vip”, ku është dashur edhe prania e policisë për të sqaruar atë që ndodhi.
Teksa banorët ndodheshin në oborr dhe po bisedonin me njëri-tjetrin, dikush ka gjuajtur me gurë dhe objekte të tjera të forta në drejtim të tyre. Pas këtij momenti, afër shtëpisë më të fashme në Shqipëri janë parë edhe policë.
Nuk dihet ende nëse ka ndonjë ndonjë të proceduar apo të dyshuar për rastin në fjalë.
Ky edicion i “Big Brother” është shoqëruar edhe me incidente të tjera më herët. Pak kohë më parë, një person u afrua në murin e shtëpisë dhe thirri Beatrixën dhe Donaldin, duke u thënë se ishte fans i Borës e madje përdori fjalë fyese ndaj aktorit.
Pas këtij incidenti reagoi edhe Bora Zemani, e cila u bëri thirrje të gjithëve të qetësohen e të mos e kryqëzojnë Donaldin, pasi ajo nuk po e bën.
Ndërkohë, mbetet për t’u parë nëse kjo situatë do të diskutohet në spektaklin e mbrëmjes së sotme, ku gjithashtu do të eliminohet një nga banorët. Në nominim këtë javë janë Klaudio, Iliri, Einxhel dhe Arjola. Kujtojmë që javën e kaluar konkurrenti që la shtëpinë ishte Sabiani.
