Cara Delevingne është imazhi i fushatës së Puma-s “Do You”, ndërsa njoftimi u bë ditën e djeshme përmes postimit të fotografive në “Instagram”. Aktorja dhe modelja 24-vjeçare, e njohur për stilin e saj të guximshëm, humorin e hollë dhe të qenit vetvetja, i përshtatet në mënyrë të përsosur konceptit.
Fushata u drejtua dhe u frymëzua nga bashkëpunëtorja e “Puma’s Fenty”, Rihanna, ku stili i Cara-s dhe sjellja e bënte kaq të përshtatshme për fushatën.
Delevingne, motoja e së cilës është “Prano të çuditshmen”, e bën atë një pasardhëse të denjë, shtuar faktit që ajo është një fanse e këngëtares.
Duke folur për fushatën Cara tha: “Do You” është të marrësh në zotërim vetveten dhe të gjesh fuqinë brenda saj, është një deklaratë shumë e fuqishme. Lidhet me pranimin e asaj që je, pavarësisht gabimeve tuaja. “Do You” është rreth zbulimit të vërtetes dhe të shkosh pas saj. Mendoj se është shumë speciale, sepse nënkupton diçka të ndryshme për gjithsecilin. Veçanërisht inkurajon njerëzit që të jenë vetvetja”.
Cara nuk do të jetë i vetmi imazh që do të shikoni në reklamën e Puma-s. Ajo do të shoqërohet nga femrat e tjera të fuqishme si, Mimi Staker dhe Olivia Boisson, balerina në Nju-Jork, atletet gjermane, Alexandra Wester dhe Tatjana Pinto, volejbollistet Leila Consuelo Ortega Martinez dhe Lianma Flores Stable.
Me fushatën, Delevingne i shtohet numrit së të famshmeve që kanë qenë imazhi i Puma-s, si RiRi dhe Kylie Jenner.
*Shfleto galerinë
Burimi: Harper’s Bazaar
