Ia kaluam Spanjës dhe Gjermanisë! Sheshi “Skënderbej” rrëmben çmimin e 1-rë për hapësirën më të mirë

Sheshi “Skënderbej” ka rrëmbyer çmimin e parë në kategorinë B të Hapësirave të Jashtme më të mira europiane.

Çmimi Europian për Ndërhyrje në Trashëgiminë Arkitekturore (European Award for Architectural Heritage Intervention AADIPA), iu dha Tiranës për projektin e sheshit “Skënderbej” si një reflektim i kompleksitetit dhe historisë së Shqipërisë.

Lexo edhe :

Plagosje me thikë mes adoleshentësh në Shkodër, dy të rinj në spital

20:28 03/04/26

Tragjike në Vlorë: 63-vjeçari ndërron jetë pas një konflikti fizik

17:13 03/04/26

Çmimi prestigjoz u dha nga Shoqata e Arkitektëve të Katalonjës dhe Shoqata e Arkitektëve për Mbrojtjen dhe Ndërhyrjen në Trashëgiminë Arkitekturore, mbështetur nga Ministria e Kulturës e Qeverisë së Katalonjës dhe Këshillit Bashkiak të Barcelonës.

Sheshi “Skëndërbej” konkurroi në kategorinë “Hapësirat e Jashtme” dhe nga dhjetë veprat e përzgjedhura, në finale shkuan 4 finalistë nga Belgjika, Spanja, Gjermania dhe Shqipëria:

– Sheshi “Skënderbej” nga studio 51N4E, Anri Sala, iRI dhe Plant en Houtgoed (Tiranë, Shqipëri)

– Qendra e Vizitorëve në Villers Abbey nga Binario Architects (Villers-la-Ville, Belgjikë)

– Hyrja e Kështjellës Jorba nga Carles Enrich Studio (Barcelona, Spanjë)

– Parku Zollverein nga Planergruppe GmbH Oberhausen (Essen, Gjermani)