Një shpërthim i fuqishëm ka ndodhur në orët e para të mëngjesit të së martës në afërsi të Kopshtit Botanik në Tiranë. Sipas të dhënave të para të uniformave blu, shpërthimi raportohet rreth orës 05:30 minuta.
Policia ka mbërritur në vendin e ngjarjes menjëherë pasi ka marrë informacionet për rastin në fjalë. Nga hetimet paraprake dyshohet se shpërthimi ka ndodhur si pasojë e vendosjes së një sasie të vogël tritoli në murin e jashtëm të një palestre, ku mblidhen disa nga të famshmit shqiptarë.
Kjo palestër është e frekuentuar nga emra të njohur të ekranit si: Turjan Hyska, Klea Huta, Fjodora Fjora, Arbër Çepani, Mërgim Mavraj, Olta Boka etj.
Policia njoftoi se si pasojë e shpërthimit ka vetëm dëme të vogla materiale në ambientet e palestrës, ndërkohë që grupi hetimor po punon për sqarimin e rrethanave të ngjarjes dhe identifikimin e kapjen e autorëve të kësaj vepre.
