Një nga grupet më eklektike në botë është mbledhur për të realizuar foton e ditës. Të nominuarit për Academy Award u mblodhën për një foto të përbashkët në Beverly Hills.
U desh shumë kohë që të mblidheshin të gjithë në një vend, por kur e bënë, grupi i aktorëve, regjisorëve, producentëve dhe profesionistëve të tjerë të filmave, arritën të koordinoheshin në një kohë.
Në mesin e turmës ishin disa nga emrat më të njohur të Hollivudit, që janë nominuar për filmat e realizuar në 2016-n, si Nicole Kidman, Emma Stone, Matt Damon, Natalie Portman, Justin Timberlake, Ruth Negga etj.
Për shumë prej tyre ky është nominimi i parë për Oscar dhe i vetëm, ndërsa për të tjerë, kjo është mundësia për të marrë medaljen e artë të dytë ose të tretë.
Natalie Portman është nominuar për herë të tretë për filmin biografik “Jackie”. 35-vjeçarja shtatzënë, e cila fitoi çmimin “Aktorja më e mirë” në vitin 2011, për Black Swan, tregoi barkun e saj të rrumbullakët me fustanin e zi serioz që kishte veshur.
Për Michelle Williams 2017-ta shënon nominimin e saj të katërt për Oscar. 36-vjeçarja është nominuar për Aktoren më të mirë për filmin Manchester By The Sea.
Nicole Kidman është nominuar për Aktoren më të mirë në rol dytësor për filmin “Lion”; ky është nominimi i katërt për Oscar për 49-vjeçaren, e cila u emërua aktorja më e mirë në vitin 2003 për The Hours.
