Rudina Magjistari është një ndër femrat më të bukura të ekranit shqiptar. Pavarësisht se vitet kalojnë, duket sikur koha e ka mbajtur me hatër dhe ajo shfaqet edhe më e bukur dhe sharmante se kurrë më parë.
Dje në mediat online qarkulloi lajmi se moderatoja e njohur mban mbi supe 44 vjet, megjithëse është një sfiduese e denjë edhe e 20-vjeçareve. Pavarësisht kompilmentave që i janë bërë duket se diçka e ka irrituar Rudinën.
Me anë të një postimi në “Instastory” Magjistari ka reaguar duke iu bërë të gjithëve të qartë se ajo nuk është 44 vjeç dhe ju lutet të gjithëve të mos ia shtojnë moshën.
“Me gjithë simpatinë që kam, por informacioni është i pasaktë. Mos mi shtoni vitet kot, edhe pse me moshën time kam qenë gjithmonë në paqe. Dhe mos besoni Wikipedia-n për çdo gjë. Edhe portalet janë më të besueshme se ajo”, ka shkruar Rudina në “Instastory”-n ku publikon lajmin e shkruar nga “Gazeta Expess”.
Të flasësh për moshën e një femre është një temë mjaft delikate, prandaj të gjithë duhet të mendohemi mirë para se të flasim me shifra. Rudina e pranon se nuk e ka problem të flitet për moshën e saj, por kërkon që të jemi të saktë dhe të mos i shtojmë dhe ca vite plus mbi supe.
