Në vitin 2013, Dafina Zeqiri u shfaq për herë të parë me flokë të shkurtër në klipin e këngës “Bloodah”. Pamja e saj u diskutua shumë aso kohe, megjithatë këtë verë Dafina vendosi që të rikthehej sërish në kohët e vjetra.
Këngëtarja preu flokët e gjatë dhe të shëndetshëm për t’i bërë ata të shkurtër fare.
Në klipin e këngës “Lule Lule” në bashkëpunim me Lumi B, ajo u shfaq me flokë të shkurtër fare bjondë që e bënin të dukej një yll.
Por duket se këngëtarja sërish nuk po gjen qetësi dhe së fundmi ka bërë një ndryshim tjetër.
Në një video të publikuar në Instagram ajo shfaqet e veshur me fustan rozë dhe në sy bien flokët po rozë.
Sipas ekspertëve të modës, kjo ngjyrë do të jetë shumë in këtë sezon, kështu që edhe ju mos ngurroni.
