Deputeti i Partisë Socialiste Fidel Ylli, në një bisedë me gazetaren Rudina Magjistari, na zbuloi pikën e tij të dobët. Sapo nisi të flaës për të ëmën, Ylli e ka të vështirë të fsheh dridhjen e zërit e përlotjen.
“Unë nënën time e dua shumë, sepse na ka rritur me sakrifica, me edukatë. Unë kam qenë sportist, gjithë kohën kam fjetur në tokë, sepse vinin dajat nga Skrapari. Na ka rritur me shumë dashuri, kapic kemi fjetur, 8 veta në dy dhomë e një kuzhinë. Dhe kur shikoj sot që kemi një shtëpi të mirë dhe babai ndërroi jetë pa i gëzuar…” – tregoi deputeti socialist.
Edhe përse në moshë të thyer, supriza e nënë Imlies për të birin ishte një videomesazh: “Fideli kujdeset shumë për të gjithë ne, për mua, për motrat e tij, bën të pamundurën.”
Por teksa pa të ëmën në ekran, deputeti socialist e kishte të pamundur të kontrollonte emocionet e forta.
“Çdo fëmijë e do nënën e tij, dhe unë si të gjithë. Shpeshherë kur flas për të, nuk i mbaroj dot fjalitë, se më kap trishtimi”,- u shpreh ai.
