I ngujuar prej 17 vitesh, nxënësi shqiptar përlot me letrën drejtuar mësueses së tij

Ditën e sotme në rubikën “Ka një mesazh për ty” tek emisioni “E diela shqiptare” ishin dy nxënëse, të cilat kishin ardhur për të falenderuar mësuesen e tyre, e cila sakrifikonte çdo ditë për të qenë pranë tyre.

Mësuese Liljana u jepte mësim fëmijëve të ngujuar nga frika e gjakmarrjes dhe çdo ditë shkonte në malësitë e thella të Shkodrës.

“Unë vet jam bijë nga Dukagjini dhe kam dashur t’i shërbej komunitetit nga vij. Kjo më është dukur pika më delikate që kanë malësorët. Undhëtimi është i vështirë, me furgona dhe më këmbë. Kam ecur me orë të tëra. Nxënësit e mi më kanë pritur më padurim. Sado që lodhem ata më japing forcë. Punoj me gjithë shpirt me ta”, u shpreh mësuese Liljana.

Mirëpo surpriza e vërtetë për mësuese Liljanën edhi nga një nxënës i saj, i cili ishte i ngujuar prej 17 vitesh. Ai i dërgoi një letër mësueses së tij, duke preferuar që fytyra e tij të mos shfaqej në ekran, por që Liljana e njohu direkt nga zëri.

“E dashur mësuese Lili. Do të doja shumë që këto fjalë të ti thoja personalisht përpara gjithë publikut shqiptar. Ti e di që unë jam tip shumë i mbyllur dhe i vetmi person me të cilin hapem dhe flas je vetëm ti. Dua të të falenderoj që ti po bën një sakrificë dhe një punë të pa lodhur për të më mësuar mua dhe vëllain tim. Ne nuk kemi as televizor e as radio dhe e vetmja mënyrë për të mësuar se çfarë ndodh jashtë mureve të shtëpisë je vetëm ti. Sa herë të shoh ty tek dera e shtëpisë mbushem me gëzim. Ti më fal shumë dashuri njëlloj si nëna. Unë këtë vit mbaroj 9-vjeçaren dhe do doja shumë që gjimnazin ta bëja me ty. Të mësoj fort e të të bëj ty krenare. Të dua shumë dhe gjithmonë do e tregoj me krenari që ajo që më bëri të dua librat ke qenë ti, se unë kam dashur të bëhem futbollist. Mezi pres ditën që do të vish sërish tek shtëpia jonë. Të përqafojë…”, ishte letra e sinqertë e nxënësit.

Mësuesja, e cila ja njohur menjherë zërin shpjegoi se ai është i ngujuar prej 17 vitesh dhe ka dalë jashtë vetëm disa herë vetëm me besë.

“Ky që po fliste ka lindur në gjak. Ka 17 vite që rri i ngujuar. Ka dalë vetëm me besë, kur i’a kemi mundësuar unë apo burrat e fshatit. Ka dalë që të shkojë në shkollë, por që kohët  e fundit kanë patur një problematikë tjetër dhe tashmë nuk del më fare jashtë shtëpisë.”, rrëfue mësuesja e përlotur.