Pas arrestimit të Stresit situata ka qënë mjaft e vështirë për familjen e tij, që menjëherë i kanë dalë në mbrojtje të birit duke mohuar që ai të jetë pjesë e një grupi kriminal.
Gjykata vendosi ditën e djeshme ta lerë në burg reperin, që akuzohet për trafik droge dhe krim kundër personit.
Të ftuar sot në “News 24” prindërit e tij thanë se e gjitha ka qënë një kurth për Stresin.
“Stresi kishte porositur dhomën numër 3 në hotel. Ndërsa kur ka mbërritur në hotel, atij i kanë thënë se dhoma 3 ishte e zënë dhe e kanë çuar në dhomën nr 12” -thanë prindërit e reperit duke u shprehur se si arma dhe vajza ishin një kurth.
Ndërkohë sa i përket marrëdhënies me Kejsin ata thanë se ajo është e mërzitur për këtë situatë.
“Kejsi është e mërzitur, por unë fola më të dhe prindërit e saj përpara se të vija në emision. Megjithatë ekuilibrat nuk janë prishur” – tha Sali Lusha në studion e “News 24”.
