Detaje të reja janë zbuluar në lidhje me 20 rastet e reja të regjistruar në 24 orët e fundit.
Në Durrës, numri i të prekurve u rrit ndjeshëm me plot 12 të tillë.
Mësohet se 11 persona i përkasin të njëjtës familje dhe kanë lidhje me 71-vjeçarin e identifikuar dy ditë më parë.
Me rastet e fundit, numri i të prekurve në Durrës ka shkuar në 26, menjëherë pas Tiranës me 129 raste
Ndërsa në total në Shqipëri numërohen 243 të prekur, nga të cilët 52 të shëruar dhe 13 viktima.
Në spitalin Infektiv ndodhen 77 persona, ku 8 prej tyre i janë nënshtruar terapisë intensive, 4 prej të cilëve janë intubuar.
Autoritetet shëndetësore ndërkohë vijojnë me thirrjet për respktimin e higjineës, distancimit social dhe kufizimit të daljeve nga shtëpitë./gazetareforma
