“Becky, me flokët e mirë”! Menjëherë sapo dëgjon këtë varg, mendja të shkon te kënga e albumit “Lemonade” e Beyonces dhe akuza e kësaj të fundit se bashkëshorti e ka tradhëtuar për një bjonde me flokët e mirë.
U aludua dhe vazhdon të aludohet se cila është bjondja simpatike që Jay Z, futi në shtrat. Në këtë gjurulldi, ra pre e fansave edhe këngëtarja me origjinë shqiptare Rita Ora, e cila u detyrua të vërtetonte çdo sekond se nuk ishte ajo Becky.
Mirëpo duket se Amber Rose ka përgjigjen e dilemës më të mëdha të të gjitha kohërave. Në një episod të “Make Speidi Famous Again”, 34-vjeçarja zbuloi se Becky është aktorja Gwyneth Paltrow.
“Ishte ajo që shkoi me Jay Z-në, u nda pastaj nga burri [Paltrow u nda nga bashkëshorti Chris Martin në 2014- ën dhe momentalisht është e fejuar me Brad Falchuk] ndërkohë që Beyonce vazhdon ende të jetë me të shoqin.” – tha Amber Rose.
Në prill të 2016- ës, Beyonce publikoi albumin e saj “Lemonade”, i cili përmbante detaje të shumta të marrëdhënies së saj me reperin. Në këngën “Sorry” artistja ndër të tjera këndonte “Ai më do vetëm kur nuk jam aty/ Le të telefonojë më mirë Becky- n me flokët e bukur”.
Burimi: Anabel.al
