Deborah Keçi, drejtoresha e klubit shumësportësh të Tiranës ka reaguar së fundmi në lidhje me gjestin që bëri pak ditë më parë në sfidën mes Tiranës dhe Besëlidhjes në ndeshjen e basketbollit.
Në disa rreshta sqarim, ajo është përpjekur të justifikohet për gjestin dhe në fund ka kërkuar falje.
Sipas saj është ndikuar nga emocionet dhe si një ish-sportiste i kupton këto gjeste josportive.
“Në sport, emocionet luajnë një rol shumë të rëndësishëm, jo vetëm për sportistin, por edhe për të gjithë ata që janë të përfshirë. Emocionet gjenerohen nga aktiviteti sportiv dhe nga ana tjetër mund të ndikojnë si tek sportistet, trajneret dhe drejtuesit e ekipeve. Si ish sportiste qe vazhdoj akoma te ushtroj aktivitet sportiv dhe te ndjej akoma emocione dhe kenaqesi nga sporti, si drejtuese e nje ekipi me emer në historinë e sportit shqiptar, është shumë e veshtirë të pranosh në heshtje dhe me kenaqesi nje padrejtesi qe i behet mundit dhe djerses se sportisteve dhe pasionit te tyre. Kush ka qene sportist kupton dhe ndjesine nga padrejtesia, kush vazhdon ndjek sportin nëpër botë, shikon dhe reagimet e sportisteve, trajnereve dhe drejtoreve ekzekutiv. Por, në cilësinë e Drejtoreshës Ekzekutive, ju kërkoj ndjesë sportdashësve të pranishëm dhe shikuesve” -ka shkruar ajo në një postim në instagram.
Kujtojmë që Deborah zhgënjimin e saj ndaj humbjes së Tiranës e shprehu duke i hedhur në kokë fanellën arbitrit të ndeshjes, në shenjë proteste për gjykimin jo të duhur të tij sipas saj.
