Fitorja e Liverpool-it përballë ekipit serb, Crvena Zvezda, i dha futbollistit shqiptar Xherdan Shaqiri më shumë merita.
Liverpool-i fitoi mbrëmjen e djeshme me rezultan 4-0, ndërsa titullar ishte edhe Xherdan Shaqiri.
Ndërkohë nga ndeshja e kthimit, mbeten vetëm dy javë dhe Shaqiri do të udhëtojë shumë shpejt në Beograd.
Ai është intervistuar dhe është pyetur për faktin sesi do të pritet në Serbi duke qenë se e ka origjinën nga Kosova. Por Xherdani me shumë siguri është përgjigjur se nuk i intereson se çfarë thonë njerëzit dhe se futbolli nuk duhet të ketë lidhje me politikën:
“Nuk kam frikë. Unë kam parë disa artikuj në lidhje me këtë temë, por më të vërtetë mua nuk më intereson se çfarë thonë njerëzit. Unë po shkoj atje për të luajtur futboll dhe nuk ka të bëjë fare me politikën. Asgjë tjetër nuk më intereson”.
“JOQ” raporton se në fund, ishte edhe një gazetar serb që deshi të marrë një prononcim nga Shaqiri, por ky i fundit me të dëgjuar gjuhën në të cilën i është parashtruar pyetja, është larguar.
