Një pedofil italian që po kërkohej prej 4 vitesh nga uniformat blu, u arrestua në Tiranë. 45-vjeçari Masimilliano Croce akuzohet se gjatë viteve 2007-2014 ka kryer krime kundër të miturve, abuzime dhe përdhunime.
Gjatë kësaj periudhe ai ka shërbyer si mësues komuniteti për fëmijët e varfër dhe jetimë, në provincat e Romës dhe në qytetin e Romës.
Sipas vendimit të gjykatës italiane, në vitin 2017 ai është dënuar me vendim të formës së prerë me 16 vite burg, për veprën penale “Dhunë seksuale ndaj të miturve”.
“Pas shkëmbimit të informacionit në kohë reale midis kolegëve italianë dhe Drejtorisë Hetimore Qendrore pranë Departamentit të Policisë Kriminale, është bërë i mundur lokalizimi dhe arrestimi i autorit, i cili fshihej në një banesë me qira në një zonë periferike të Tiranës. Autori i arrestuar i fshihej drejtësisë italiane prej më shumë se 4 vitesh”, bëri me dije Edi Merkaj, drejtori i Departamentit të Policisë Kriminale.
Burimi: Newsbomb
