Për herë të parë që kur e bënë publike lidhjen e tyre, Marsela Çibukaj dhe Vitmar Basha janë shfaqur bashkë në një event publik.
Dyshja pozuan mbrëmë krah për krahu në një sfilatë me fustane nusërie që u mbajt në Tiranë, ku tejçonin vetëm dashuri!
Në foton e publikuar nga Marsela në Instagram, Vitmari duket kkoë e këmbë i dashuruar! Teksa Marsela sheh nga kamera me njërën dorë në belin e Vitmarit, ky i fundit nuk ia ndan sytë.
Foton e ka publikuar edhe Vitmari në profilin e tij. Në fillim të shkurtit, këngëtari i njohur rrëfeu për herë të parë se është në një lidhje me Marsela Çibukajn.
Në një intervistë për emisionin “Lart e poshtë” ai ishte i pari që pranoi se motivi i tij për albumin e ri është pikërisht ajo.
Vitmari theksoi se Çibukaj ka qenë shtysa kryesore e gjithçkaje dhe e ka quajtur këngëtaren muzë të tij.
Dhe tani që po e vëmë re, thuajse në të gjitha fotot që çifti ka dalë bashkë, Vitmari pozon duke parë në dritë të syrit partneren e tij!
Të jetë kjo një rastësi apo thjesht dashuri!
