Këngëtarja Rozana Radi ka qenë gjithnjë e rezervuar rreth jetës së saj private. Prej më shumë se 3 vitesh ajo është përfolur për një lidhje me një oficer të Prokurorisë së Tiranës, ndërsa ka ardhur koha që ajo t’u japë fund thashethemeve dhe ta gëzojë lidhjen e saj edhe në publik.
Shpëtim Karakushi, oficer i Policisë Gjyqësore pranë prokurorisë së Rrethit Tiranë, u shfaq në emisionin ‘100 milionë’ ku tentoi të fitonte shumën, bashkë me një mikun e tij, por nuk ia doli.
Kjo ishte hera e tretë që e shihnim në publik Shpëtimin, pasi ai është fotografuar vjet gjatë Këngës Magjike teksa ndiqte partneren.
Këngëtarja është fotografuar edhe këtë verë gjatë pushimeve të saj në plazh, së bashku me Shpëtim Karakushin, të dashurin e saj prej 4 vitesh.
Megjithëse ata e kanë bërë lidhjen publike, ende i ruhen vëmendjes.
