Një nga çiftet që bënë më shumë lajm gjatë këtij viti ishte Elgit Doda dhe Klea Huta. Fillimisht i mohuan thashethemet lart e poshtë, por tashmë ata dalin hapur duke iu gëzuar dashurisë së tyre . Në fakt kanë të drejtë, pasi janë një çift perfekt. Elgiti ka festuar ditëlindjen dhe Klea nuk mund të mos ia thonte disa fjalë të ëmbla të dala nga zemra.
“Faleminderit që ekziston!” Kanë qenë këto fjalët që ka përzgjedhur Klea Huta për të uruar partnerin me rastin e ditëlindjes.
Edhe pse pak fjalë, Klea i ka emocionuar të gjithë duke publikuar një foto të saj me Elgitin në Instagram, ku menjëherë kanë vërshuar komentet dhe urimet për të dy.
Por në qindra komente, vëmendjen na i mori përgjigja e Elgitit i cili me anë të emojit ka treguar se Klea është Mbretëresha e tij. Çifti madje kanë edhe nga një tatuazh që shkruan: Mbret dhe Mbretëreshë, dhe që simbolizon mënyrën sesi i drejtohen njëri-tjetrit.
