“Daily Mail” shkroi një artikull për fëmijët e pasur të Tiranës, të cilët këtë stil jete që bëjnë e pasqyrojnë edhe në rrjetet sociale, kryesisht në “Instagram”.
Makina moderne, pushime të pafundme në vendet më luksoze dhe foto me femra, fëmijët e pasur të Tiranës e shfaqin në internet pasurinë e tyre si për të nxitur zili.
Faqja në “Instagram” “Fëmijët e pasur të Tiranës” kanë grumbulluar më shumë se 15,000 ndjekës me fotot e veturave të tyre sportive të zbukuruara.
“Ndërsa moti i ftohtë vendos për shumicën prej nesh kursimin e parave deri në sezonin festiv, ky nuk duket të jetë rasti për këta adoleshentë.
Ata shfaqen me makina të ndryshme, të llojeve e modeleve nga më të fundit dhe shpeshherë ata udhëtojnë me flamurin e tyre kombëtar mbi këto makina si një prirje popullore për identifikim”, shkruan “Daily Mail”.
