Pas konfirmimit të dy rasteve me koronavirus në Shqipëri, qeveria po merr masat e duhura për parandalimin e përhapjes së kësaj epidemie.
Në mbledhjen e jashtëzakonshme të qeverisë, Rama njoftoi pezullimin e mësimit në të gjtha shkollat për 2 javë, si dhe pezullimin deri më 3 prill të fluturimeve dhe lundrimeve drejt veriut të Italisë.
Gjithashtu, kryeministri shtroi kërkesën për të anuluar të gjitha grumbullimet masive, kulturore, sportive, aktivitete, dëgjesa publike, koncerte, e dëgjesa publike.
Qeveria ka vënë në fuqi planin e veprimit, të hartuar sipas protokollit të përgjithshëm të OBSH-së.
Tre pikat e planit të veprimit:
1-Kufizimi, me qëllim parandalimin e përhapjes;
2-Vonimi, shtyrja në kohë e përhapjes së infeksionit
3-Lehtësimi i pasojave që mund të sjellë infektimi me COVID-19.
