Aktoret janë përballur për një kohë të gjatë me kërkesa të paarsyeshme të regjisorëve për pamjen e tyre, por ajo që ka ndodhur me Debra Messing kur po xhironte një skenë dashurie në filmin “A walk in the clouds”, në vitin 1995, ishte shumë mizore.
Ylli i filmit “Will & Grace” rrëfeu gjatë një interviste për ELLE.com se çfarë i kishte ndodhur ndërkohë që po xhironte përkrah aktorit Keanu Reeves.
“Unë ishta duke xhiruar një skenë dashurie me Keanu Reeves. Ne nisëm xhirimet dhe regjisori shumë i njohur bërtiti “Stop” dhe tha:” Sa shpejt mund të marrim një kirurg plastik këtu? Hunda e saj po e shkatërron filmin tim”.
Burri që bëri këto komente fyese mbi aktoren që sot është 48 vjeç, është regjisori dhe aktori Alfonso Arau, i cili ka fituar shumë çmime.
20 vjet më vonë, Debra e përshkruan incidentin si shokues, duke qenë se ajo ka studiuar për aktrim dhe ka punuar shumë në karrierën e saj, për të “zvogëluar një hundë për hir të Hollivudit”.
Ky nuk ishte i vetmi moment traumatik që Debra përjetoi duke punuar me regjisorin meksikan.
Duke folur në një konferencë, ajo tha se Alfonso e ka shtyrë atë të bëjë skena nudo të paplanifikuara, dhe kur erdhi rasti i xhirimeve, ai i hoqi çarçafin për të parë më mirë trupin e saj të zhveshur.
Aktorja shprehet se e ka takuar regjisorin shumë vite më pas dhe ai madje e ka quajtur “yll”, por takimi i ftohtë përfundoi me një “faleminderit” nga ana e saj.
