Mediat turke njoftuan se aktori Kenan Imirzalioglu, i cili njihet ndryshe si “Ezel” nga seriali turk me të njëjtin emër, dhe bashkëshortja e tij Sinem Kobal, kanë humbur fëmijën pak javë përpara se të vinte në jetë.
Mirëpo lajmi është krejtësisht i pavërtetë dhe këtë e konfirmon vetë Sinem Kobal, e cila ka reaguar përmes një postimi në rrjetet sociale. Sipas 30-vjeçares, ky lajm është produkt i imagjinatës së gazetarëve të pamëshirshëm.
“Lajmet e publikuara sot rreth meje janë tërësisht produkt i imagjinatës. Lajme të tilla, mbi çështje kaq private dhe të ndjeshme, prodhuar nga tryeza mediash vetëm për të tërhequr vëmendje, i konsideroj të pandjeshme dhe të pamëshirshme”, shkroi Kobal.
Ezel dhe bashkëshortja e tij Sinem Kobal u martuan në vitin 2016 dhe tashmë janë në javët e fundit të pritjes së ëmbël. Ata do të bëhen prindër për herë të parë.
