Dashi
Për shkak të suportit të Jupiterit në shenjën tuaj, ky vit do jetë me përmirësime në fushën personale dhe profesionale. Fillimi i vitit për ju do jetë dy hapa përpara dhe një hap pas! Mos t’ju kapë paniku! Ju duhet vetëm të menaxhoni më mirë fitimin dhe ruajtjen e parave.
Ata që i përkasin shenjës së Dashit duhet të tregojnë kujdes për shëndetin gjatë vitit 2017. Në trupin tuaj mund të ketë ndonjë sëmundje që ende nuk është pikasur, por një nga arsyet kryesore mund të jetë mungesa e gjumit, gjumi jo i mirë dhe zgjimi për shkak të zhurmës.
Sa për fushën e dashurisë, ju do të tregoheni të pjekur gjatë vitit 2017 dhe kjo do të pasqyrohet në mënyrën se si komunikoni me partnerin. Si rrjedhojë, mund të hyni në një fazë të re gatishmërie për të përmbushur objektiva dhe dëshira të përbashkëta.
Në fushën e karrierës, horoskopi 2017 parashikon se ju mund të filloni dhe të shihni rezultatet pozitive. Ngjitja e shkallëve të karrierës mund të jetë e ngadaltë, por nëse keni hedhur themele të forta, atëherë do të arrini suksesin e dëshiruar.
Demi
Karriera juaj do të jetë në rritje gjatë vitit 2017 dhe korrektësia juaj në punë do ju ndihmojë shumë. Sa më shumë ide origjinale të keni në punë, aq më shumë sukses do keni këtë vit në karrierën tuaj. Ju jeni partner pasionant. Demat njihen si xhelozë, prandaj këtë vit duhet të kenë kujdes në lidhje me këtë gjë. Viti 2017 do thyejë çdo pengesë që ndoshta keni me partnerin tuaj!
Në fushën e dashurisë, duhet të mësoni të jeni tolerant me gjërat që të tjerët i konsiderojnë të rëndësishme. Ata që i përkasin kësaj shenje duhet të jenë të vetëdijshëm për faktin se partneri apo partnerja mund të mos kenë shumë dëshirë për seks për shkak të ndonjë gjëje që mund t’i keni thënë. Kështu, seksi mund të mos jetë aq i lehtë për t’u arritur sa ç‘ka qenë në të kaluarën. Le të shpresojmë që është diçka e përkohshme.
Për sa i përket shëndetit, në nëntë muajt e parë të vitit, energjia e akumuluar do t’ju japë një shtytje të mëtejshme. Nëse nuk i keni kushtuar shumë rëndësi shëndetit apo dietës, në vitin 2017, Jupiteri ju jep mundësinë që ta kompensoni këtë gjë duke bërë çdo lloj ushtrimi fizik si ecja, vrapi, alpinizmi, hipizmi etj.
Jupiteri duhet t’jua rrisë besimin në punë dhe kjo do t’ju japë mundësinë që të fitoni më shumë para. Ju do ta shijoni punën që bëni, por Jupiteri nuk do t’ju lejojë që ju t’i bëni bisht asaj.
Binjakët
Gjatë këtij viti personat e shenjës së binjakëve do mësojnë më shumë se cilat janë gjërat që vërtet kanë vlerë për to. Sekreti i tyre për vitin 2017, është vetëm inspirimi që keni për punën që bëni dhe jeni pozitivë me kolegët e punës. Ndoshta këtë vit edhe mund të gjeni punën tuaj të ëndrrave. Besoni! Ju keni fuqinë për të ndryshuar gjendjen tuaj financiare. Lëreni pas të shkuarën! Binjakët kanë një mënyrë të çuditshme si e shprehin dashurinë. Shenjat e tjera janë në kërkim të një partneri për lidhje të qëndrueshme, ju partnerin e doni më shumë për aventura. Në vitin 2017, do merrni shumë mësime për të pasur dashuri serioze, jo vetëm aventura. Gjatë nëntë muajve të parë të vitit, ata që i përkasin kësaj shenje do të jenë të rrethuar nga dashuria dhe romanca.
Ka ardhur koha që ta merrni më seriozisht shëndetin tuaj fizik. Mjaft me ëmbëlsirat, alkoolin apo me ushqimet e rënda dhe filloni një regjim me ushtrime fizike. Mësoni që t’i thoni “jo” gjithçkaje që mund të dëmtojë trupin tuaj.
Për sa i përket fushës së karrierës, profesioni dhe puna juaj mund t’ju duken të pazakonta në një mënyrë apo një tjetër. Por juve mund t’ju shfaqen mundësi të reja, ndaj sigurohuni që ajo që ju ofrohet të jetë e realizueshme.
Gaforrja
Personat e kësaj shenje do të përqendrohen te siguria dhe marrëdhëniet e afërta me njerëzit gjatë vitit 2017. Çështjet familjare janë gjithnjë një përparësi për ju, por këtë vit ato do të marrin një rëndësi më të madhe. Disa nga personat e kësaj shenje do të shfaqin një interes më të madh për rrënjët e tyre dhe të fillojnë e të bëjnë më shumë kërkime për këtë gjë.
Nga 28 Janari deri në 9 Mars, do të jetë një periudhë shumë e rëndësishme për karrierën. Do të keni një pozicion shumë prestigjioz dhe do të sillni një klient të ri, falë Marsit në shenjën e Dashit, shtëpia juaj e famës dhe nderit. Pas kësaj periudhe, hëna në 27 Mars, do t’ju hapë derën për një mundësi fantastike në karrierë. Një projekt krijues do t’ju vendosë emrin në murin e famës.
Gjatë viteve të fundit, Saturni po testonte aftësinë tuaj për të dashuruar. Tashmë që keni kaluar të gjitha sprovat, jeni më të pjekur dhe më të mençur se kurrë në çështjet e zemrës. Në pjesën e fundit të 2017-ës dhe në 2018-ën, ju do ta vini në përdorim të gjithë dijen tuaj dhe do të keni mundësi të ndërtoni një marrëdhënie shumë të fortë për vitet që vijnë. Afërdita do të shkojë “retrograde” në 2017-ën nga 4 Marsi deri në 15 Prill dhe kjo periudhë nuk është e favorshme për t’u martuar apo pëor t’u fejuar. Këtë periudhë nuk këshillohet as edhe një ndryshim dramatik i pamjes suaj. Kini kujdes gjatë kësaj faze.
Në fund të 2017-ës, ju do të hyni në një nga vitet më të fuqishme të jetës suaj në raport me dashurinë, ndaj mos humbni kohën tani duke ndenjur me dike që ju e dini shumë mirë se një ditë do ta ndani.
Periudha më e rëndësishme për të shijuar dashurinë në këtë dekadë, do të nisë në 10 Tetor të 2017-ës dhe do të vazhdojë deri në 8 Nëntor të 2018-ës.
Luani
Sipas horoskopit të Luanit për vitin 2017, dashuria është diçka mjaft serioze për ju këtë vit. Fillimi mund të mos jetë shumë i mirë, nëse nuk po arrini që t’ia fitoni zemrën dikujt. Mund të jepni shumë, por përpjekjet tuaja mund të mos shpërblehen ashtu siç do të donit që të shpërbleheshin. Por tregoni durim, sepse shumë shpejt gjërat do të jenë në favorin tuaj.
Për sa i përket fushës së punës, duhet të dini që ta shisni veten sa më mirë te të tjerët dhe nëse veproni kështu, rezultatet në këtë fushë do të jenë mjaft frytdhënëse. Deri në 10 Tetor të 2017-ës, ju do të keni mundësi suksesi në fusha që kanë lidhje me shitjet, komunikimin, gazetari dhe media. Është koha për të gjetur zërin tuaj, për të rrëfyer historinë tuaj. Prisni takime me njerëz të mençur dhe shumë interesantë. Kini kujdes me udhëtimet nga 19 Prilli deri në 3 Maj kur Merkuri të jetë “retrograde”.
Nuk është një periudhë e mirë për dashuri dhe financa. Meqë ra fjala për dashurinë, ky është një vit shumë I mbarë. Nëse jeni beqarë, mund të njiheni me dikë në lagjen tuaj, në kafe, në palestër apo gjatë një udhëtimi të shkurtër. Datat më të mira për të njohur dikë do të jenë 11 Shkurt, 21 Shkurt, 3 Qershor dhe 15 Shtator. Dëgjoni instiktin tuaj.
Muaji më i favorshëm për ju do të jetë Gushti, ku do të përballeni ime mundësi brilante dhe me projekte fantastike kreative. Karriera, romanca, udhëtimet, të gjitha do t’ju vijnë gjatë këtij muaji. Në 9 Maj, dielli dhe Plutoni mund të bashkëpunojnë për t’ju ndihmuar të keni një rritje në detyrë apo një vlerësim.
Virgjëresha
Fusha e romancës mund të pësojë një përmirësim këtë vit. Mënyra më e lehtë për ta kuptuar këtë aspekt është duke e menduar si një zarf. Brenda zarfit ndodhet një dhuratë. Universi ju fton që ju ta hapni zarfin dhe të zbuloni dhuratën tuaj.
Për shkak të betejave që keni fituar kohët e fundit në fushën e karrierës, ju mund të shërbeni si një model për të tjerët, për sa kohë që vazhdoni këtë rrugë. Mos hiqni dorë, sepse përfitimet në të ardhmen do të jenë mjaft të mëdha.
Virgjëresha shqetësohet më shumë seç duhet. Fillimi i vitit nuk është i mirë financiarisht për botën, ndaj ju kujdesuni për financat tuaja dhe mos harxhoni më shumë seç duhet, megjithatë as mos u stresoni, sepse stresi është njësoj si të lutesh për problemet tuaja. Virgjëreshat e duan shumë median, ndaj këtë vit, harxhoni më pak kohë online dhe lexoni më pak lajme. E mira juaj është që ju keni një mendje të shkëlqyer, e keqja është se mendja juaj punon pa orar. Gjeni diçka tjetër me të cilën ta kaloni kohën.
Në 26 Shkurt ka një eklips të Hënës së re dhe dikush (një Peshk i ndjeshëm) mund të hyjë në jetën tuaj, ose mund të jetë një njeri me të cilin do të keni një lidhje shpirtërore. Martesa është një mundësi reale.
Peshorja
Për sa i përket shëndetit, ju mund të zbuloni ndonjë sëmundje të çuditshme, alergji apo përvoja të çuditshme që mund të ndikojnë në shëndetin tuaj dhe që mund të jenë të vështira për t’u diagnostikuar nga mjekët apo analizat. Ju duhet të kërkoni metoda të tjera shërimi si lutjet, meditimi, joga dhe praktika të tjera shpirtërore.
Për sa i përket fushës së dashurisë, në fillim të vitit 2017, ju do të jeni plot energji dhe ndjenja e romancës do të lulëzojë. Duhet të bëheni gati për gjëra të papritura, sepse mund të bini në dashuri me dikë që përpiqet t’i fryjë më shumë se ç‘duhet cilësitë e tij. Mjafton që të bisedoni me miqtë tuaj më të ngushtë në mënyrë që të mos verboheni para kësaj gjëje. Jepini vetes kohë të mjaftueshme kur të mendoni për t’u impenjuar me dikë që sapo keni njohur.
Nëse ditëlindja juaj është në Shtator apo nga 1 Tetori deri në 11 Tetor, ju keni ndjerë përplasjen e Uranit me Diellin dhe keni qënë përballë situatave të paparashikueshme.
Kini kujdes, sidomos të lindurit nga 12 Tetori në 22 Tetor, për partnerët që sillni në jetën tuaj. Hyni me kujdes në një marrëdhënie të re, qoftë ajo biznesi apo romantike. Afërdita do të shkojë “retrograde” sërish në 2017-ën, nga 4 Marsi deri në 15 Prill. Mos u martoni apo mos u fejoni gjatë kësaj periudhe.
Në 27 Janar, hëna e re do të shfaqet në sektorin tuaj të dashurisë dhe Afërdita dhe Marsi do të jenë shumë pranë njëri-tjetrit, duke ju sjellë pak “xixa” dashurie. Saturni mund t’ju krijojë disa pengesa, ndaj qëndroni me këmbë në tokë, edhe pse me të mrekullueshmin Jupiter, çdo gjë do të shkojë në favorin tuaj.
Akrepi
Personat e kësaj shenje duhet të bëjnë kujdes me ëmbëlsirat dhe ushqimet e shpejta. Tetori është muaji në të cilin duhet të bëni ndryshime radikale për fizikun tuaj. Bëni diçka që nuk e bëni normalisht dhe diçka ndryshe nga ata që shkojnë në palestër. Por mendohuni mirë para se t’i nënshtroheni ndonjë programi të kushtueshëm ushtrimesh. Tetori, nëntori dhe dhjetori janë muajt më të mirë për ushtrime fizike. Është një kohë shumë e përshtatshme për ta përballur veten me sfida fizike.
Për sa i përket fushës së dashurisë, ju do të jeni duke kërkuar dashurinë e përkryer. Kjo mund ta vendosë partnerin tuaj në vështirësi nëse ai/ajo nuk po sillet si një hero apo heroinë e novelave romantike. Nëse ju po kërkoni dashurinë e përkryer apo partnerin e përkryer, atëherë mund të zhgënjeheni. Ajo që ju po kërkoni, nuk ekziston në këtë botë. Personat që i përkasin kësaj shenje këshillohen që të shikojnë brenda vetes.
9 Shtatori do të jetë dita e pushtetit për ju, sepse do të fitoni financim për projektin tuaj të ëndrrave. Edhe pse keni dëshirë të punoni prapa skene, mund të jetë koha që të dilni në dritë. Afërdita viziton zonën tuaj të karrierës deri në 19 Shtator dhe do të shihini se si puna juaj do të shkëlqejë. Mund të jetë që do të krijoni një lidhje romantike në punë.
Tetori do të jetë një rilindje për ju. 26 Tetori, dita më e mirë e vitit do të bjerë në shenjën tuaj dhe ju mund të merrni një ofertë fantastike financiare. Festojeni duke i dhuruar vetes një pamje dhe gardërobë të re. Nëse jeni beqarë, Nëntori është muaji më i mirë dhe nëse jeni të lidhur, këtë muaj do të dashuroheni sërish.
Shigjetari
Personat e kësaj shenje duhet të presin gjëra të papritura kur vjen puna për çështjet e dashurisë në vitin 2017. Premtimet mund të ndryshojnë apo të mos mbahen, kështu që nuk duhet të keni besim të menjëhershëm te dikush. Njerëzit mund të mos jenë gjithmonë ashtu siç duken apo ashtu siç ju shpresonit të ishin.
Saturni do të largohet nga shenja juaj në 20 Dhjetor të vitit 2017 dhe nuk do të kthehet më për 29 vjet. Përpara se Saturni të ikë, ai do t’ju përballë me provimet e tij të fundit dhe ju do t’ia dilni. Shikoni sa keni arritur deri më tani.
Disa nga personat e kësaj shenje mund të ndihen mjaft romantik dhe të kërkojnë emocione me anë të flirtimeve të shfrenuara romantike. Mos i hapni telashe vetes duke u impenjuar i gjithi me dikë tani.
Shtatori është muaji ideal për t’u mburrur me punën tuaj. Ju do të keni mundësinë për të impresionuar ata që janë nën pushtet dhe mund të fitoni shumë famë. Hëna e re në shenjën e Virgjëreshës në 20 Shtator mund t’ju hapë rrugën për një karrierë krejtësisht të re.
Viti 2017 është një vit në të cilin duhet të tregoheni serioz për jetën tuaj, shëndetin dhe qëllimet tuaja, se çfarë doni të arrini në jetë dhe mbi të gjitha, është koha për t’u treguar i pjekur, pavarësisht moshës që keni.
Bricjapi
Le të shpresojmë që të keni pasur mundësi që të fitoni para dhe të kurseni para në vend se t’i keni shpenzuar të gjitha paratë që ju kanë rënë në dorë kohët e fundit. Mund të detyroheni të shpenzoni para për shënde4tin, por nuk ka gjë, sepse ia vlen.
Parashikimi i horoskopit për vitin 2017 për Bricjapin ju sugjeron që të thoni tre dëshira dhe të përgatiteni që të paktën njëra prej tyre do të realizohet në 12 muajt në vijim.
Do të jeni të lumtur me atë çfarë do të ndodhë në karrierën tuaj për sa kohë Jupiteri, planeti i fatit, lumturisë dhe zgjerimit të jetë në shenjën e Peshores deri në 10 Tetor të 2017-ës.
Mundësia juaj e ardhme për të gjetur dashuri është në 26 Prill të 2017-ës dhe dy javëve pas kësaj date. Saturnin do ta keni pranë për t’ju ndihmuar në një lidhje jetëgjatë dhe të qëndrueshme.
Gjatë kohës kur Afërdita do të jetë “retrograde” nga 4 Marsi deri në 15 Prill, ju do të ndiheni sikur karriera ka ndalur. Mos u mundoni që ta sforconi përpara. Jeni përballë një situate të ndërlikuar. Do të keni një mundësi tjetër për karrierë kur të jetë hëna e re në 19 Tetor të 2017-ës dhe situata do të jetë sërish komplekse.
Ujori
Për disa nga personat që i përkasin shenjës së Ujorit, paratë mund t’u rrëshqasin nga duart pa e kuptuar fare, për shkak të shpenzimeve të papritura dhe faturave. Mendoni mënyra të reja për të fituar para. Horoskopi i vitit 2017 tregon se ju mund të fitoni para me anë të mënyrave kreative apo talenteve artistike, ndaj mos ngurroni që ta provoni!
Për sa i përket punës, ju duhet të shfrytëzoni të gjithë përvojën që keni për hir të përmirësimit të karrierës suaj. Por nëse nuk jeni të kënaqur me karrierën tuaj, Jupiteri do t’ju ndihmojë që të ndryshoni drejtim.
Duhet të bëni kujdes gjatë Hënës së Re të 27 Janarit 2017, sepse mund të tërhiqni pas vetes njerëzit e gabuar, dikë me një motiv të fshehtë , ndaj veproni me hapa të ngadaltë. Dy javë më vonë, hëna e plotë në 10 Shkurt, do të ndriçojë shtëpinë tuaj të fejesës dhe martesës dhe Shën Valentini do të jetë i paharrueshëm.
Jupiteri do të qëndrojë tek Peshorja për 13 muaj nga 9 Shtatori deri në 10 Tetor 2017. Jupiteri do të forcojë dashurinë dhe shëndetin si edhe do t’ju japë optimizëm dhe mbështetje nga njerëz të rëndësishëm.
Në 26 Shkurt, ju do të përjetoni një eklips që ka lidhje me financat tuaja. Prisni një tjetër burim të ardhurash. Nga 8 Marsi deri në 21 Prill do të keni mundësinë që të merreni me riparim shtëpie apo me plane për blerje/shitje shtëpie. Kujdes, mos ndërmerrni asnjë projekt dizajni gjatë kohës kur Afërdita të jetë “retrograde” nga 4 Marsi deri në 15 Prill.
Peshqit
Horoskopi për vitin 2017 për shenjën e Peshqve tregon se gjatë vitit, ju do të jeni mjaft i përqendruar në objektivat e punës dhe të karrierës, ndaj impenjimi në familje do të jetë në plan të dytë. Pjesëtarët e familjes mund të kenë këshilla të mira për ju në lidhje me praktikat e punës suaj.
Ju nuk duhet të përqendroheni kaq shumë te karriera juaj dhe te jeta sociale saqë të lini pas dore jetën personale, sepse një ditë të bukur mund të zgjoheni se jeta juaj personale lë për të dëshiruar.
Nëse jeni beqarë, në Dhjetor 2016 deri në Janar 2017, do të keni takuar dikë që ka potencial për të qenë bashkëshorti/ja juaj.Planet dhe veprimet që ju ndërmerrni nga Gushti 2015 deri në fillim-shtatori 2016, do të nisin të japin rezultatet e tyre deri në Tetor të 2017-ës.
Kemi edhe një tjetër eklips në familjen Peshqit-Virgjëresha, në 26 Shkurt të 2017-ës. Planeti juaj, Neptuni, do të jetë shumë aktiv, ndaj ju mund të fitoni një projekt krijues shumë të rëndësishëm, që përfshin të shkruarin, ngjyrat dhe dizenjot, muzikën, kërcimin dhe çdo që gjë ka lidhje me artin.
Një nga periudhat më të rëndësishme të vitit do të nisë kur Marsi të hyjë në shenjën tuaj nga 19 Dhjetori i 2016-ës, deri në 27 Janar të 2017-ës. Ju do të jeni shoferi i fatit tuaj dhe do të jeni shumë të zënë. Nëse ndodheni në një pozicion konkurrues, ju garantoj se do të toni.
