Dashi
Muaji korrik do të nisë me pakënaqësitë e qershorit dhe me konfuzionin e muajve të fundit. Pjesa më e madhe e të lindurve në shenjën e Dashit do të ndihen të nervozuar dhe të zemëruar për arsye që lidhen me fushën profesionale. Jeni lodhur nga ndryshimet e herëpashershme. Nëse keni çuar në djall një projekt të çmuar muajin e kaluar për shkak të një fjale të pamenduar, tani do ta kini të vështirë t’i ktheni gjërat mbrapa. Shumë gjëra do të ndryshojnë pas muajit gusht. Studentët do t’ia dalin mbanë vetëm nëse janë të përgatitur më së miri. Do të jeni aq të tensionuar dhe nervozë gjatë fundjavave, sa do ta keni të vështirë të ruani qetësinë. Një telefonatë e papritur do t’ju bëjë edhe më konfuzë, sepse bëhet fjalë për një problem që kërkon një zgjidhje të shpejtë. Nuk është momenti i duhur të rrezikoni shumë në marrëdhëniet tuaja, të flisni pa u menduar, sidomos ata që janë prej kohësh në një marrëdhënie në krizë. Ata që kanë histori paralele duhet të marrin një vendim përfundimtar. Çiftet që duan të ligjërojnë marrëdhënien e tyre, bëjnë mirë të presin tetorin, sepse është periudha më e përshtatshme. Muaji korrik do të ketë shumë angazhime dhe do të jetë i lodhshëm. Do të mërziteni për çështje financiare dhe ligjore, për një debat me shefin apo me avokatin tuaj. Përpiquni që këto probleme të mos i çoni edhe në familje, sidomos në datat 8 dhe 15. Ngritja e pakontrolluar e zërit mund të ketë pasoja.
Demi
Ndryshimet e vogla apo të mëdha në aspektin profesional kanë përfshirë të gjithë ata që prej shumë kohësh bëjnë një jetë monotone. Keni vendosur të ndryshoni strategji. Të gjithë të lindurit e kësaj shenje ndihen disi në ankth për atë që i pret, por njëherazi janë të kujdesshëm dhe shumë produktivë. Financat nuk do të jenë pika juaj e fortë gjatë korrikut. Bëjini më me kujdes llogaritë. Nëse më parë keni pasur një bashkëpunëtor të shenjës së Ujorit apo Bricjapit dhe jeni zënë me të, tani do të pendoheni për çka keni bërë. Ditët më të favorshme për takimet e punës do të jenë datat 27 dhe 28. Dashuria vazhdon të jetë protagonistja në jetën tuaj. Do të merrni një vendim të rëndësishëm që ka të bëjë me ndjenjat. Janë me fat çiftet që sapo janë martuar apo që do të martohen këtë muaj. Edhe ata që janë të divorcuar nuk duhet të tregohen pesimistë, sepse një fazë e re po fillon. Bëni mirë të shmangni debatet në shtëpi, sidomos nëse kanë të bëjnë me çështje ekonomike. Kujdesi s’është asnjëherë i tepërt, sidomos në datat 11, 17, 18. Mbrohuni nga të lindurit në shenjën e Luanit, sepse jeni aq agresivë ndaj tyre, sa nuk do t’i falni dot qoftë edhe për një gabim qesharak. Shqetësime të lehta shëndetësore në datën 23, ndërsa pjesa tjetër e muajit do të shkojë fjollë. Bëni mirë që muajin gusht ta planifikoni si muaj pushimesh. Mbani në kontroll shpenzimet.
Binjakët
Ka ardhur momenti të përvishni mëngët dhe të nisni shumë gjëra nga e para. Nëse keni një kontratë punë që është drejt përfundimit, do ta rinovoni, madje me disa klauzola në favorin tuaj. Pas datës 20, Marsi do të hyjë në shenjën tuaj duke ju ofruar mundësi më të mira. Ata që duan të shpërngulen në një qytet tjetër apo të ndërrojnë vendin e punës, do të marrin një lajm të mirë në datën 24. Të gjitha projektet që keni nisur në fund të vitit të kaluar tani do të japin frytet e tyre. Ka ardhur momenti të përqendroheni vetëm tek objektivat e rëndësishëm dhe pa harxhuar energjitë tuaja për projekte të pavlera. Ndërsa ata që kanë aktivitete private dhe i kanë bërë ballë krizës financiare të vitit të kaluar, tanimë e kanë kaluar periudhën më të vështirë. Venusi do të hyjë në shenjën tuaj në datën 5 dhe do të largohet në datën 21. Mos bini në dashuri me njerëz që janë shumë larg jush jo vetëm për nga distanca, por edhe nga karakteri juaj. Shumë shpesh jeni ju vetë që kërkoni personat e gabuar dhe pas ndarjes fajësoni gjithmonë “fatin e keq”. E diela e datës 23 do të jetë dita më e mirë e muajit, e cila do të karakterizohet edhe nga një pasion i madh. Keni nevojë për një person me karakter të fortë në krah. Kjo është një periudhë e shkëlqyer për të folur me një specialist për të zgjidhur problemet e rëndësishme. Nuk duhen nënvlerësuar ankthi, nervozizmi dhe stresi. Një pushim i shkurtër do t’ju bënte mirë.
Gaforrja
Gjatë muajit korrik do të kuptoni gjithçka që nuk shkon. Problemet do të jenë më të mëdha mes bashkëpunëtorëve apo ortakëve. Për shumë prej jush, stina e verës do të shndërrohet në një trampolinë të mirë për të kapërcyer të gjitha problemet që pasojnë në vjeshtë. Studentët nuk janë të kënaqur me rezultatet që kanë arritur, por i pret një surprizë: gjetja e një pune menjëherë pas mbarimit të shkollës. Ditët më të favorshme do të jenë ato të datave 13, 21 dhe 31. Keni ende disa çështje ligjore të pazgjidhura. Ata nga ju që kanë një pozicion drejtues, bëjnë mirë të ruhen nga thikat pas shpine, vetëm se tani dinë të mbrohen më mirë. Çiftet që kanë marrëdhënie të konsoliduar tani do të mendojnë për martesën apo për një fëmijë. Në fakt, problemet kanë qenë të shumta për të dashuruarit gjatë periudhës janar-maj dhe çiftet që janë ndarë s’kanë qenë të paktë. Njohjet e reja janë shumë premtuese. Dashurinë duhet të dish edhe ta kërkosh. Forma juaj fizike është në përmirësim e sipër. Përqafoni përvojat të reja, por edhe reflektoni për të ardhmen. Duhet të bëjnë kujdes ata që kanë pasur së fundmi probleme shëndetësore, sepse jo gjithçka ka kaluar, sidomos në datat 15 dhe 22.
Luani
Kjo është një periudhë e përshtatshme për të investuar më shumë në idetë tuaja apo për të ndërmarrë nisma të reja, sepse korriku është muaji i strategjive për të lindurit në këtë shenjë. Mërkuri do të hyjë në shenjën tuaj në datën 6 dhe do të bashkëveprojë me Saturnin, Jupiterin dhe Uranin deri në datën 25. Të gjithë ata që janë në kërkim të një pune të re nuk do të hasin pengesa. Jeni shumë të vendosur dhe këmbëngulës, por bëni kujdes se mund t’i shkelni dikujt në kallo. Shmangini debatet me shefat apo me bashkëpunëtorët e ngushtë. Zgjedhjet që do të bëni në fushën profesionale janë të rëndësishme, por mos harroni edhe ndjenjat. Mos harroni se ky është viti i çifteve, i bashkimit ligjor për shumë marrëdhënie që kanë nisur prej kohësh. Njohjet e reja këtë muaj do të jenë shumë të rëndësishme, por mos u mbështesni vetëm tek yjet, që ju favorizojnë shumë. Mos kërkoni dashuri në distancë. Dashuria për ju është një sfidë dhe ju pëlqen ta përjetoni si të tillë. Datat 15 dhe 16 do të jenë të mbushura me pasion. Në një klimë kaq pozitive, ju do të zgjidhni të gjitha problemet. Pushimet i keni përpara. Qëndrueshmëria do të karakterizojë këtë muaj.
Virgjëresha
Do të ndiheni më të vlerësuar në ambientin tuaj profesional vetëm në gjysmën e dytë të vitit. Keni një ndjesi të çuditshme sikur keni qenë krejt të padobishëm gjatë këtyre muajve të parë, por nuk është kështu. Do t’ju jepet mundësia që këtë muaj të gjeni qetësinë tuaj shpirtërore. Mund të keni ndryshuar pozicion, kompani apo edhe qytet dhe më në fund po bëni gjërat që doni. Ditët më të bukura do të jenë ato pas datës 25, kur Mërkuri do të hyjë në shenjën tuaj. Mundësi të reja, bashkëpunime më të mira me kolegët apo me eprorët. Gjithçka që nuk keni arritur të siguroni profesionalisht më parë mund të përpiqeni ta arrini tani. Për sa i përket fushës së ndjenjave , jo gjithçka do të shkojë vaj. Më të nervozuar janë ata që janë në krizë prej kohësh. Bëni mirë të reflektoni dhe të analizoni marrëdhënien, në të kundërt është më mirë t’i jepni fund. Do të përballeni me njerëz që do t’ju zhgënjejnë, pasi nuk janë ashtu si i imagjinoni ju. Të lindurve në këtë shenjë u pëlqen të studiojnë sjelljet e të tjerëve, praktikisht jeni psikologë të lindur. Ditët më të tensionuara do të jenë dy javët e fundit të muajit. Data 26 do të jetë shumë vendimtare, pasi do të uleni ballë për ballë njëri-tjetrit dhe ose do t’i jepni fund, ose do të nisni gjithçka nga e para. Muaji gusht është më i favorshëm për ata që duan të martohen. Korriku do të sjellë shumë stres, sidomos në raportet brenda familjes. Tensione të mëdha me të afërmit në datën 13. Shmangini diskutimet, përndryshe do të keni probleme shëndetësore. Ne ju këshillojmë të pretendoni më shumë për punën që bëni!
Peshorja
Të gjithë ata që duan të firmosin një marrëveshje apo të zgjidhin një çështje ligjore do ta arrijnë menjëherë objektivin. Tri javët e para të muajit punët do të jenë të trazuara, por skenari do të ndryshojë shumë pas datës 23 e deri më 31. Këto do të jenë ditët më të favorshme për të arritur gjithçka. Ata që kanë vënë në zbatim një projekt të ri prej disa muajsh do të përballen me shpenzime të mëdha. Keni një aftësi të shkëlqyer për të bindur të tjerët, ja pse ky do të jetë një muaj frytdhënës për të gjithë ata që punojnë me shitjet apo paguhen me komisione. Nuk do t’i shijoni dot në maksimum fundjavat për shkak të lodhjes së madhe në punë. Shumë prej jush punojnë edhe të shtunë dhe të diel, ja pse ndiheni vazhdimisht në ankth. Takimet apo njohjet e reja janë shumë të favorizuara, ja pse historitë e krijuara këtë muaj do të jenë shumë jetëgjata. Korriku është muaji i përsosur për t’u martuar, për të bashkëjetuar apo edhe për të vendosur për t’u bërë me fëmijë. Ky do të jetë muaji i zgjedhjeve të rëndësishme në jetë. Të gjithë ata që janë ndarë në fillim të vitit, tani duhet të mendojnë për një mundësi të re. Pasioni do të jetë i zjarrtë pas datës 20. Falë Hënës në shenjën e Peshores çiftet do të përjetojnë emocione të veçanta, sidomos ata që e lënë veten të lirë para pasionit… Nuk do të ndiheni mirë gjatë javës së parë. Gjithçka nis e përmirësohet pas datës 7. Këshillohen trajtimet estetike, sidomos gjatë fundit të muajit. Të lindurit në shenjën e Peshores kujdesen shumë për linjat dhe për formën fizike.
Akrepi
Gjysma e parë e muajit ka qenë një periudhë transformimi për të gjithë të lindurit në këtë shenjë, ja pse tani keni ide, bashkëpunëtorë dhe kontakte të reja profesionale. Praktikisht, keni kryer një spastrim të të gjithë miqve apo kolegëve që ngjallnin dyshime. Tensionet e muajve të kaluar për pasojë kanë sjellë edhe vështirësi financiare. Përpiquni që tani të kurseni. Po filloni të ndieni lodhjen, por mos harroni se në fund fare do të shpërbleheni. Jupiteri do të futet në shenjën tuaj vetëm në muajin tetor, kështu që duhet të prisni. Data më e favorshme e muajit do të jetë data 3. Përpiquni të shmangni panikun apo kritikat e tepërta ndaj personave që s’e meritojnë. Ndiheni të zemëruar dhe gjithë këtë tension e përcillni edhe në familje. Ju jeni nga ata që përpiqeni t’u bëni ballë të vetëm problemeve, por bëni mirë që ndonjëherë të kërkoni edhe ndihmë. Megjithatë, nëse një lidhje sentimentale nuk shkon mirë, ju nuk jeni nga ata tipa që heshtni. Nuk ju mungon dëshira për të çuar në djall gjithçka, por duhet të tregoheni të matur. Ndoshta një ish i dashur do t’ju lëndojë krenarinë dhe s’do të dini si të veproni. Do të ndiheni shumë të stresuar gjatë kësaj periudhe, sidomos në datat 23 dhe 24. Lufta juaj e vazhdueshme për të arritur mirëqenien e duhur do të marrë fund në gusht.
Shigjetari
Të gjitha idetë apo iniciativat tuaja që hasën pengesa në qershor, tani do ta kenë rrugën të hapur. Periudhë shumë e favorshme nga data 6 deri më 25. Ditët e mesit të muajit do të jenë të shkëlqyera, nëse keni një aktivitet privat apo doni të provoni diçka të re brenda mjedisit tuaj ku punoni. Ata që presin të firmosin kontrata do të marrin përgjigje pozitive. Janë të favorizuar ata që punojnë në një sektor që ka lidhje me krijimin. Ata që kohët e fundit kanë pasur shumë probleme me shefat apo që punojnë në një ambient armiqësor, do të vendosin të hedhin gjithçka pas krahëve dhe të ndryshojnë kryekëput profesion. Korriku do të jetë një muaj i favorshëm për studentët . Yjet janë shumë premtues në fushën e ndjenjave. Çiftet që janë të lidhura prej kohësh tani mund të hedhin hapin e madh. E vetmja gjë që ju pengon apo druheni për ta hedhur këtë hap është aspekti ekonomik. Ndërsa lidhjet e reja që janë krijuar gjatë korrikut nuk do ta kenë shumë të gjatë, sepse janë histori të lindura mes dyshimesh apo pasigurish. Viti 2017 do të jetë i favorshëm vetëm për ata që kanë çështje ligjore të pazgjidhura. Ky do të jetë një muaj i qetë në aspektin psikofizik. Ditë të tensionuara do të jenë ato të datës 13 dhe 4. Shfrytëzoni çdo fundjavë për të pushuar diku larg. Për ju kura më e mirë është të rrethoheni nga shumë njerëz.
Bricjapi
Keni ende disa çështje profesionale për të zgjidhur. Dielli dhe Marsi janë kundër shenjës suaj këtë muaj. Është më se normale që pas gjithçkaje që keni kaluar të keni ende disa çështje ligjore të pazgjidhura apo kontrata biznesi që s’janë nënshkruar ende. Punët do të shkojnë më mirë në vjeshtë, ja pse gjatë verës duhet të bëni kujdes me financat. Dëshira juaj për të ndryshuar është e madhe, por sigurohuni mirë në hapat që do të hidhni. Të gjitha fundjavat e këtij muaji do të karakterizohen nga debate të forta me familjarët apo me bashkëpunëtorët tuaj të ngushtë. Pas datës 24 do të merrni përgjigjet e para pozitive. Tanimë dihet se të lindurit në shenjën e Bricjapit kërkojnë gjithmonë ndershmërinë dhe sinqeritetin në një marrëdhënie sentimentale. Nëse jeni ndarë nga dikush për shkak të gënjeshtrave të shumta, tani duhet të reflektoni dhe të pyesni zemrën nëse ai/ajo është ende pjesë e saj. Madje edhe çiftet e konsoliduara nuk kanë arritur të gjejnë kohë për njëri-tjetrin. Bëni çmos për të qëndruar sa më shumë bashkë dhe për të gjetur qetësinë e dikurshme. Edhe njohjet e reja nuk janë të favorizuara këtë muaj, aq më pak historitë paralele të pamenduara mirë. Java e parë e korrikut do të jetë më e vështira. Planifikojini pushimet pas datës 25 korrik, sepse atëherë do të jetë periudha më e përshtatshme. Marsi vazhdon të ndikojë për keq në shenjën tuaj, ja pse disa ditë do ta keni të vështirë të ruani qetësinë. Ndiheni shumë nervoz për shkak të punës, por edhe të debateve në familje.
Ujori
Ky muaj do të karakterizohet nga tensioni, sidomos në fushën profesionale dhe në atë të studimeve. Nuk do të ndodhë ndonjë gjë e madhe, por do të detyroheni të bëni një zgjedhje, të cilën e keni shtyrë prej kohësh. Datat 10 dhe 11 do të karakterizohen nga debate të mëdha në punë, përplasje mes kolegësh apo me shefin, që do t’ju detyrojnë të bëni disa ndryshime. Ja pse duhet të bëni shumë kujdes. Përpiquni shumë për të ruajtur ato çka keni arritur deri tani. Keni shumë ide të reja, por vërini në zbatim më vonë. Nuk do të mungojnë edhe shpenzimet e paplanifikuara për shkak të një defekti. Studentët nuk janë shumë të favorizuar dhe shumë prej tyre do të detyrohen t’i përsërisin sërish provimet. Ndryshe nga muajt e kaluar, korriku do të jetë një muaj pozitiv në fushën e ndjenjave. Takime dhe njohje të reja, të cilat mund të shndërrohen në lidhje të gjata. Nëse ka nga ata që do të vendosin të bashkëjetojnë këtë muaj, ju rekomandoj ta shtyni për më vonë, sepse do të zbuloni te partneri defekte që më parë nuk i kishit vënë re. Jeni shumë të stresuar në punë dhe gjithë ky stres mund të dëmtojë edhe raportet sentimentale. Vetëm më të fortët do t’i bëjnë ballë kësaj periudhe, e cila duket se do të zgjasë deri në dhjetor, kohë kur do të detyroheni të merrni vendime të rëndësishme. Një muaj i mbushur me nervozizëm dhe shumë impenjativ. Gjithë problemet tuaja profesionale apo financiare do të ndikojnë në shëndetin tuaj. Përpiquni të tregoheni më të qetë, të ushqeheni më mirë. Mos u stërmundoni!
Peshqit
Te gjithë atyre të cilëve u jepet mundësia për të bërë zgjedhje profesionale, ky muaj do të jetë shumë pozitiv. Marsi, Dielli dhe Mërkuri do të bashkëpunojnë dhe do të kenë një ndikim të mirë, sidomos gjatë javës së parë. Mos humbisni kohë! Nëse keni një aktivitet privat, do të vini re sa frytdhënës do të jetë. Jeni shumë pranë periudhës më të mirë të vitit 2017. Keni shumë projekte të reja, të cilat do t’i bëni realitet në vjeshtë. Një lajm i mirë për ata që kanë një çështje ligjore të pazgjidhur. Periudha nga data 6 deri më 25 do të jetë shumë e favorshme për përfitimet financiare. Yjet do të favorizojnë edhe studentët, të cilëve mund t’u jepet mundësia të gjejnë punë menjëherë pas mbarimit të studimeve. Fusha e ndjenjave do të jetë disi e trazuar, por raportet e qëndrueshme as që do të rrezikohen. Në të vërtetë keni shumë pak kohë për të kaluar me njëri-tjetrin dhe kjo është arsyeja që krijon tensione. Kjo është stina e martesave, e lidhjeve të gjata apo e ligjërimit të shumë marrëdhënieve. Dashuritë që do të lindin në korrik nuk janë shumë të sigurta, por gjithçka do të kuptohet me kalimin e kohës. Do të ndieni një dëshirë të madhe për t’u larguar nga gjithçka dhe nga të gjithë. Para se t’i jepni fund një marrëdhënieje sentimentale, reflektoni me kujdes dhe prisni deri në vjeshtë, sepse atëherë është periudha e duhur për të nisur gjithçka nga e para, edhe pse ju e keni të vështirë të harroni. Këtë muaj do të jeni në formë fizike të shkëlqyer. Do të ndiheni disi të lodhur vetëm gjatë javës së fundit të muajit. Më shumë kujdes tregoni në datën 26.
