Dashi
Do të gjendeni në vështirësi ekonomike, sepse që prej muajit maj keni shpenzuar më shumë nga sa ua mban xhepi. Muaji korrik do t’ju bëjë të ndiheni të pasigurt për sa i përket punës. Disa ditë do të jenë tepër të mërzitshme e disa të tjera mjaft të vrullshme. Të martën, më datë 4 dhe 6 mund të gjendeni në situatë mjaft shqetësuese dhe mund të rebeloheni me njerëzit që ju rrethojnë. Duhet të ruani qetësinë në mënyrë që të shmangni konfliktet. Edhe në fushën e ndjenjave do të ndiheni të pasigurt. Kush ka ngecur mes dy lidhjesh dashurie, mund të përballet me telashe deri më datë 6 korrik. Nëse gjatë muajve të fundit jeni ndarë dhe keni ende diskutime rreth çështjes së parave, duhet të bëni kujdes rreth datave 4 deri më 8 korrik, pasi do t’ju nevojitet një ndërhyrje nga jashtë. Beqarëve do t’ju këshilloja të viheni në lëvizje, duke filluar që prej gjysmës së muajit, pasi kjo stinë do të jetë me shumë interes sa i takon fushës se dashurisë. Mos prisni që gjërat të ndryshojnë vetvetiu, por merreni vetë situatën nën kontroll.
Demi
Nëse keni ndonjë problem në punë, është momenti që ta përballoni. Pjesa e parë e korrikut do të jetë më e mirë sesa e dyta. Nëse keni një aktivitet privat, do të vini re një rënie që prej datës 15, por kjo nuk do të jetë diçka serioze. Gjatë datave 13, 14 dhe 21, mund të debatoni me shefin apo kolegët. Ndokush mund të ndërrojë punë, pasi ndihet i pakënaqur në pozicionin aktual. Nëse keni gjetur dashurinë e vërtetë, nuk do të hasni asnjë problem. Është e pashmangshme që prej datës 15 të mos keni diskutime në familje. Do të keni probleme sa i takon çështjes së parave. Nuk duhet t’i zini besë historive të dashurisë që do të lindin pas datës 13. Për ju që po përjetoni dy histori njëkohësisht, është momenti që të bëni një zgjedhje! Do të gëzoni një formë fizike të shkëlqyer gjatë dy javëve të para të muajit. Gjysma e dytë e muajit do karakterizohet nga stresi dhe duhet të tregoni kujdes prej datës 21 deri më 28 korrik.
Binjakët
Kjo periudhë do të jetë më e besueshme, edhe pse nuk është ende momenti për të ndërmarrë hapa të mëdhenj, sidomos në sektorin ekonomik. Të rinjtë janë duke kërkuar një punë fikse që prej vitit që shkoi. Momenti më i mirë do të jetë ai rreth datës 25, kur do të merrni një telefonatë apo një lajm të mirë. Vitin 2016 konsiderojeni si një vit të lodhshëm, por që do të japë frytet e tij në fund. Sa i takon fushës së ndjenjave, do të përjetoni sërish pasionin e munguar. Por, jo të gjitha çiftet do ta kenë të lehtë të rimëkëmben. Ata që kanë përjetuar një ndarje kohët e fundit, do të ishte mirë të shkonin përpara dhe të gjenin dikë tjetër. Por, në rast se ka nga ato çifte që i kanë rezistuar edhe kohërave të vështira gjatë pjesës së parë të vitit, korriku është muaji perfekt për të bërë përpara edhe nëse ka pasur ndonjë tradhti. Forma juaj fizike do të përmirësohet në korrik. Sidomos pas datës 18, shumë prej jush do të vënë re një ndryshim mjaft pozitiv. Shëndeti që do të gëzoni javën e fundit të muajit do të jetë i shkëlqyer.
Gaforrja
Edhe kjo verë do t’ju dhurojë sukses. Ju këshilloj edhe këtë herë të mos e ngrini zërin për të zgjidhur gjërat. Nëse këmbëngulni për më shumë seç duhet, mund të rrezikoni të mbeteni pa asgjë. Tashmë zotëroni energjinë e duhur për t’u përshtatur me çdo situatë. Kjo do të thotë se, edhe nëse keni pasur probleme në të shkuarën, tashmë mund të zgjidhen. Një paralajmërim i fundit: mund t’i mbyllni hesapet me kompaninë ku punonit, vetëm nëse keni gati një kontratë të re pune për të firmosur. Edhe ne fushën e dashurisë do të jetë një periudhë e rëndësishme. Çiftet në krizë do të gjejnë një mënyrë për ta përmirësuar raportin. Madje do të angazhohen edhe për të krijuar familje, për të bërë fëmijë, apo për të ndryshuar shtëpi. Nuk duhet harruar që më datë 4 korrik, katër planetë do të jenë në pozicion të favorshëm me shenjën tuaj të horoskopit. Është një moment ku duhet të bëni zgjedhje të rëndësishme. I këshilloj beqarët që të hedhin sytë përqark, sidomos gjatë dy javëve të para të këtij muaji të nxehtë dhe pasionant. Forma fizike do të jetë e shkëlqyer.
Luani
Korriku do të jetë një muaj gjatë të cilit do të mësoni strategji të reja. Do të përqendroheni më tepër, për të çuar përpara projektet e nisura. Do t’ju duhet të tregoheni konkret. Do të arrini rezultate të shkëlqyera nëse keni kohë që angazhoheni në studime të ndryshme. Ju të fushës së artit, përgatituni të merrni një telefonatë të rëndësishme. Duhet të tregoheni të kujdesshëm javën e fundit të muajit, pasi Marsi nuk do të jetë në favorin tuaj. Ky do të jetë një muaj i mrekullueshëm për ata që duan të martohen apo të zyrtarizojnë lidhjen. Ka dhe nga ata që do të mendojnë për një fëmijë të dytë. Do të bënit mirë të planifikonit pushimet deri në fund të korrikut. Gjithashtu edhe gushti do të jetë një muaj pozitiv. Nëse jeni beqar dhe dëshironi të përjetoni një histori dashurie, mos i planifikoni pushimet në një plazh të vetmuar. Pra, duhet të organizoni takime në vende të përshtatshme. Rreth datës 21 mund të ndesheni papritur me një ish të dashur. Ky muaj do të karakterizohet nga një forcë e madhe. Planetët do të jenë në favorin tuaj dhe dhjetë ditët e fundit të muajit do të lënë gjurmë të rëndësishme në jetën tuaj.
Virgjëresha
Gjatë korrikut duhet t’i kapni në ajër mundësitë që do t’ju vijnë dhe momenti më i përshtatshëm është tani! Korriku mund të jetë një muaj i përshtatshëm për të përmbyllur marrëveshje apo kontrata të leverdishme. Në datat 8, 18, apo 27 mund të keni takime pune. Do të gjeni guximin e nevojshëm për të thënë mjaft, nëse gjendeni në marrëdhënie të vështira. Ky vit do të jetë stresues, pasi i keni dyfishuar shpenzimet familjare. Gjithashtu do të jetë një periudhë e përshtatshme për ata çifte që duan të bëhen me fëmijë. Për këtë arsye duhet t’i bëni mirë llogaritë dhe të punoni pa pushim për të arritur synimet tuaja. Kjo periudhë është mjaft e përshtatshme nëse keni ndër mend të martoheni apo të bashkëjetoni. Nëse jeni beqarë duhet të bëni një analizë të situatës. Shpesh, të lindurit në shenjën e Virgjëreshës, kanë vetinë të mbyllen në vetvete pas një ndarjeje. Korriku do të jetë një muaj i përshtatshëm edhe për takime të reja. Ky muaj do të jetë i tensionuar. Gjithsesi, krahasuar me muajt e shkuar, tashmë ndiheni më mirë. Ja përse duhet ta shfrytëzoni këtë moment për të gjetur sërish qetësinë.
Peshorja
Dy javët e para të muajit korrik do të jenë të vështira. Nuk bëhet fjalë për një krizë të mirëfilltë. Për ata që duan të nisin një projekt të ri apo të gjejnë njerëz të duhur dhe të besueshëm, datat 4 dhe 5 do te jenë të përshtatshme për të vendosur. Siç thamë, gjatë ditëve të para të muajit do të ndiheni të pakënaqur, kjo si shkas i ndonjë provimi, apo prove që keni për të dhënë. Mos u dekurajoni! Nuk duhet të hidhni gjithçka në erë. Gjithçka varet nga ajo që bëni dhe nga mënyra që zgjidhni për ta bërë. Edhe dashuria do të gjendet në krizë në fillim të korrikut. Por, nuk duhet të mendoni për ndarje apo për zgjidhje të tilla ekstreme. Nëse keni të bëni me një person të shenjës së Gaforres, apo të Bricjapit, pasi edhe keqkuptimet do të jenë më të thella. Gjatë dhjetë ditëve të para të muajt duhet të bëni kujdes sa i takon shëndetit. Pas datës 15 korrik do të mund të rikuperoni edhe gjendjen tuaj fizike. Duke i mbajtur të gjitha përbrenda rrezikoni të shpërtheni papritur.
Akrepi
Duhet të menaxhoni me më shumë mençuri paratë. Kush gëzon një kontratë aktuale, ka të drejta për t’u financuar, në mënyrë që të nisi një projekt, apo për të përballuar përgjegjësi më të mëdha. Nëse keni përgatitjen e duhur, do të jepni rezultate të shkëlqyera. Në datën 22 do të ndieni një rënie të energjive tuaja. Situata do të rëndohet gjatë fundit të muajit, kështu që do t’ju këshilloja të menaxhonit më mirë situatat në punë gjatë dy javëve të para të korrikut. Nëse keni përjetuar shkëputje dhe keqkuptime në aspektin e dashurisë gjatë javëve të fundit, duhet të tregoni kujdes rreth datës 20, që të mos bini pre e të njëjtave diskutime. Historitë e dashurive që kanë lindur gjatë kohëve të fundit mund të jenë mjaft interesante. Bëni kujdes prej zhgënjimeve rreth datave 21, 22 dhe 27, pasi mund të zbuloni një të vërtetë që deri më tani ju ishte fshehur. Pjesa e dytë e muajit do të jetë e tensionuar edhe për çiftet më të qeta, kështu që bëni kujdes! Korriku do të nis me situata të tensionuara. Kështu që, mos e teproni me sforcime dhe shpërqendrime. Duhet të tregoni dyfish kujdes gjatë datave 22 dhe 31, që të mos shqetësoheni së tepërmi.
Shigjetari
Gjatë kësaj periudhe kohore do të zhbllokohen disa çështje profesionale apo financiare. Dikush mund të fillojë të mendojë për projekte dhe ide të reja që do të marrin formë përgjatë verës. Edhe çështjet e biznesit do të shkojnë më mirë. Ditët në vijim do të rikonfirmojnë se të lindurit në shenjën e Shigjetarit, do të jenë protagonist sa i takon planit të realizimit të vetvetes. Gjithashtu mund të prisni për një marrëveshje shumë të mirë që mund të vijë prej datës 25 deri më 29 korrik. Sa i takon fushës së ndjenjave, do ta merrni sërish veten, pasi qershori la një ndjesi të ftohtë te të lindurit në shenjën e Shigjetarit. Pra, do të keni vullnet për të fituar kohën e humbur. Fundjava e datave 16, 17, do të jetë tepër pasionale. Shigjetarët kanë prirjen të jenë dredharakë, të pamatur dhe aventuresk në historitë e dashurisë. Kështu që është normale të mos gjejnë lehtë qetësinë. Pikërisht në këtë filozofi “tërhiq e mos këput”, të lindurit e kësaj shenje marrin kënaqësi maksimale. Pas qershorit, forma juaj fizike do të përmirësohet. Pas datës 12, shumë prej planetëve do të jenë në favorin tuaj. Kjo energji do të reflektohet menjëherë në organizmin tuaj. Tanimë mund të filloni të mendoni për pushimet.
Bricjapi
Gjatë muajit korrik do të përjetoni disa situata të bezdisshme në ambientin e punës. Mund të debatoni me kolegët apo me shefin tuaj. Është e qartë se shumë gjëra varen nga lloji i marrëdhënieve të ndërtuara muajt e fundit. Ata që nuk do të jenë dakord me ju, do t’ju kundërshtojnë hapur. Ditët rreth datave 4, 20 korrik do të jenë të vrullshme dhe të tensionuara. Nëse në këtë periudhë të vitit po prisni për një konfirmim pune, përgjigjja mund të vonojë. Ose me keq akoma, mund të ketë nevojë për një ndërhyrje qe situate të zgjidhet. Mos prisni shumë gjatë dy javëve të para të korrikut. Duke filluar prej datës 15, situata do të përmirësohet. Çiftet që nuk janë të bindur për njeriun e tyre të zemrës, mund të gjenden në vështirësi javën e parë të muajit. Dikush mund të shkarkojë te partneri zhgënjimet profesionale apo tensionin e grumbulluar në punë. Ditët e para te korrikut do të jenë të tensionuara dhe të paqëndrueshme. Ju këshilloj që të mos shpërqendroheni shume deri më datë 10. Edhe më të vëmendshëm duhet të tregoheni nga data 4 e deri më 6 korrik.
Ujori
Gjatë këtyre ditëve mund të prisni që ritmi i zakonshëm i jetës suaj të ngadalësohet. Është e mundur që dikush t’ju dalë kundër ditën e martë dhe të hënën, në datën 5. Këto do të jenë edhe ditët më të vështira të korrikut për ju. Sa i takon aspektit ekonomik, do të bënit mirë të ishit më të kujdesshëm, sidomos pas datës 14. Nën tension do të ndihen edhe ata që janë të detyruar të kalojnë një provë. Për ta tejkaluar me sukses duhet të angazhoheni seriozisht. Mos prisni që gjërat të konkretizohen në korrik, pasi do të jetë një muaj premtimesh dhe jo realizimesh. Është e rëndësishme të ruani një ekuilibër të mirë gjatë dhjetë ditëve të para të muajit. Këtë duhet ta keni parasysh në aspektin ekonomik, por edhe në atë të ndjenjave. Situata do të komplikohet rreth datës 21 për çiftet që janë në krizë. Nëse lidhja juaj është konsumuar, nuk mund të përjashtohen momentet e tensionit gjatë dhjetë ditëve të para të muajit. Kini kujdes, pasi ditët e fundit të korrikut do të jenë stresuese. Pjesa e parë e muajit do të jetë dukshëm më pozitive. Do t’ju këshilloja që të shmangni situata tepër të lodhshme që prej datës 21 deri më 28.
Peshqit
Ky muaj do të nisë mjaft mirë për ju, pasi Marsi do të zhvendoset në një pozicion tepër të favorshëm. Prej muajsh, po prisni që të ndodhin ndryshime edhe brenda kompanisë ku punoni, apo gjetkë. Kjo varet edhe prej aktivitetit me të cilin merreni. Data 13 do të karakterizohet nga energjitë pozitive dhe duhet ta shfrytëzoni këtë gjë. Dy javët e para të muajit do të jenë mjaft interesante sa i takon fushës së dashurisë. Kush do të krijojë lidhje të reja dashurie, mund të shfrytëzojë ditët prej datës 3, deri më datë 6. Por kini parasysh që dashuria nuk do t’ju trokasë vetvetiu në derë. Bëni kujdes se si menaxhoni situatat familjare, e sidomos nëse kanë të bëjnë me paratë. Shëndeti do të përmirësohet dukshëm. Nëse diçka nuk po shkon siç duhet, duhet të analizoni situatën dhe të flisni me një mjek. Kini parasysh ditët prej datës 4 deri më datë 8, pasi janë të përshtatshme për të bërë ndërhyrje korrigjuese. Është e domosdoshme që herë pas here të bëni paqe me vetveten.
