Njihuni me parashikimin e yjeve për javën e dytë të korrikut:
Dashi
Këtë javë mund t’u kushtoheni pasioneve tuaja. Mërkuri në shenjë do t’ju dhurojë më shumë se një rast për të pasur sukses në realizimin e ambicieve. Ditët më me fat të javës do të jenë e marta dhe e mërkura, atëherë kur dhe Hëna do të jetë në pozicion të favorshëm. Bëni kujdes të enjten dhe të premten, sepse diçka mund të mos shkojë ashtu siç shpresoni.
Demi
Më në fund do të ndiheni të shpërblyer. Venusi, pasi krijoi një klimë jo të mirë në aspektin sentimental, është kthyer sërish nga shenja juaj. Do të ndieni emocione të forta dhe do të ndizen pasionet. Të hënën do të keni shumë fat, sepse Hëna do të vendoset në pozicion të favorshëm. Edhe e enjtja dhe e premtja do të jenë ditë të mbara. Në fundjavë do të ndiheni disi të lodhur.
Binjakët
Me largimin e Venusit nga shenja juaj, do të përjetoni ditë të mbushura me tension dhe do të keni mosmarrëveshje me partnerin. Do t’ju duhet të bëni durim për të gjetur gjuhën e përbashkët me të. E marta dhe e mërkura do të jenë ditë me shumë fat, sepse Hëna do të kthehet nga kjo shenjë. Pritet që gjithçka të shkojë mirë në aspektin profesional. Mund të keni dhe ndonjë surprizë…
Gaforrja
Më në fund Venusi do të kthehet nga shenja juaj dhe për ju do të fillojë një periudhë pozitive për sa i përket aspektit të ndjenjave. Për beqarët parashikohen takime interesante, sidomos të enjten dhe të premten, atëherë kur dhe Hënën do ta keni në shenjë. Ata që janë në çift do të përjetojnë ndjenja të fuqishme dhe nuk do t’i mundojë më dyshimi.
Luani
Venusi do të largohet nga shenja juaj për të kaluar në atë të Virgjëreshës, por mos u shqetësoni, sepse ndërkohë ju i keni hedhur bazat për një lidhje të qëndrueshme dhe yjet ju garantojnë pasione dhe emocion. Mërkurin do ta keni në shenjë dhe do të ndiheni superiorë karshi të tjerëve. Të martën dhe të mërkurën mund të merrni ndonjë lajm të mirë. Fundjava do të jetë e mbarë.
Virgjëresha
Venusi do të kalojë në shenjën e Virgjëreshës dhe kjo do të jetë një javë pozitive për ta. Do të fillojë një periudhë e mbushur me emocione dhe mbarësi në jetën sentimentale. Beqarët mund të gjejnë njeriun e ëndrrave, ndërsa ata që janë në çift mund ta çojnë lidhjen një hap më tutje dhe të kalojnë në bashkëjetesë. Ditët më me fat të javës do të jenë: e hëna, e enjtja dhe e premtja.
Peshorja
Për të lindurit në shenjën e Peshores do të vazhdojë periudha e qetësisë, si pasojë e pozicionimit të favorshëm të Mërkurit. Të martën dhe të mërkurën do të jeni të favorizuar nga Hëna dhe mund t’i shfrytëzoni këto ditë për të bërë përpara në aspektin profesional dhe do të ndiheni të shpërblyer. Ndoshta mund të hasni ndonjë vështirësi të enjten dhe të premten. Në fundjavë gjithçka do të shkojë mirë në aspektin e ndjenjave.
Akrepi
Këtë javë Venusi më në fund do të kthehet në shenjën e Akrepit, pasi ka shkaktuar jo pak probleme gjatë periudhës së fundit. Ka ardhur momenti që të bëni qartësi në mendimet tuaja dhe të vendosni se ç’drejtim duhet të merrni. E hëna do të jetë një ditë pak e lodhshme, pasi Hëna dhe Mërkuri në pozicion të pafavorshëm mund të krijojnë pengesa në aspektin profesional.
Shigjetari
Këtë javë Venusi do të kthehet në pozicion të pafavorshëm për shenjën e Shigjetarit. Nëse jeni në një lidhje mund të keni zënka apo mosmarrëveshje. Bëni kujdes të mos e ekzagjeroni! E marta dhe e mërkura, me Hënën në shenjë, do të jenë veçanërisht të vështira. Për fat, në aspektin profesional do të merrni lajme të mira, falë edhe favorizimit të Mërkurit.
Bricjapi
Venusi më në fund do ta favorizojë shenjën e Bricjapit. Gjendja e tensionuar që ekzistonte prej kohësh mes jush dhe partnerit më në fund do të qetësohet. Tani planeti i dashurisë do t’ju dhurojë një periudhë të këndshme të mbushur me emocione. Por këshillohet që të enjten dhe të premten të bëni kujdes, sepse falë pozicionimit të pafavorshëm të Hënës mund të ndiheni nervozë.
Ujori
Tani më në fund mund të merrni frymë të lehtësuar. Venusi do të kthehet sërish në shenjën tuaj. Këto javë jeni sprovuar në aspektin e ndjenjave, por tani do të gjeni qetësinë e humbur, qoftë edhe duke i dhënë fund një lidhjeje që nuk funksionon më. Ditët me fat të javës do të jenë e marta dhe e mërkura. Të shtunën dhe të dielën mund të ndiheni disi nervozë.
Peshqit
Për fat të keq nuk ka lajme të mira për të lindurit në shenjën e Peshqve. Venusi do të kthehet në pozicion të pafavorshëm dhe tensionet e periudhës së fundit mund ta minojnë lidhjen tuaj. Bëni kujdes të martën dhe të mërkurën, ku do të ndiheni veçanërisht nervozë dhe situata mund të përkeqësohet edhe falë vendosjes së Hënës. Flisni qartë dhe besojuni ndjesive tuaja!
