Dashi
Situata këtë javë premton të jetë e mirë. Marsi në shenjën tuaj do të jetë një ndikim pozitiv. Do të jeni në shoqërinë e njerëzve tuaj të dashur apo të një njeriu vërtet të veçantë për ju dhe do të përjetoni eksperienca unike, edhe pse ndonjëherë kjo mund të duket e lodhshme. Mundohuni t’i ulni ritmet aty nga fundjava për të mos vënë në siklet personat pranë jush. Jo të gjithë mund të ecin me hapin tuaj.
Demi
Keni vendosur më në fund të pranoni sfidën që ju ka hedhur prej kohësh Jupiteri dhe Marsi. Do të shfaqni forcë dhe pasion të veçantë dhe do të keni sukses në këtë përballje. Dielli dhe Plutoni do të jenë në shenjën tuaj dhe do të keni aftësinë e duhur për të reaguar ndaj çdolloj provokimi. Kjo situatë do t’ju argëtojë shumë. Më pas në fundjavë gjendja do të qetësohet.
Binjakët
Ndonjëherë entuziazmi dhe energjia pozitive që transmetojnë të tjerët është vërtet ngjitës, duke na e bërë të tashmen, që përndryshe s’do të ishte dhe aq e këndshme, më të bukur. Ditën e enjte Mërkuri nuk do të ndikojë dhe aq pozitivisht në shenjën tuaj, por do ta kaloni këtë gjendje falë pranisë të njerëzve tuaj të dashur. Në fundjavë do ta shprehni hapur pëlqimin apo mospëlqimin ndaj dikujt. S’do të toleroni askënd.
Gaforrja
Pesë planetë kundër nuk është diçka e paktë, por për fat do të keni përkrahjen e Marsit. Do të jeni në humor të shkëlqyer ditën e hënë e të martë falë ndikimit pozitiv të Venusit në shenjën tuaj. Të mërkurën do të ndiheni entuziastë, kurse të enjten Mërkuri do të largohet nga shenja juaj dhe do t’ju duhet të bëni kujdes si silleni në publik. Në fundjavë do të gjeni gjuhën e përbashkët me personin tuaj të zemrës. Mos i shtyni për më vonë sqarimet.
Luani
Gjatë ditëve në vazhdim Dielli do të jetë protagonist në shenjën tuaj. Do ta filloni kësisoj javën të mbushur me optimizëm dhe kjo do t’ju ndihmojë të përballeni me çështjet e punës dhe veprimtaritë praktike me mjaft energji, me kurajën e duhur dhe vendosmëri të madhe. Në fundjavë Urani do të ndikojë që ju të mos ndiheni asnjëherë të kënaqur me veten tuaj. Bëni kujdes me shpenzimet dhe gjërat e vogla luksoze që i lejoni vetes.
Virgjëresha
Gjatë ditëve të para të javës do të vëzhgoni me kujdes (juve nuk ju shpëton pothuajse kurrë asgjë) gjithçka që ndodh përreth jush. Ndonjë prej jush mund të ndihet i përjashtuar nga shoqëria, por kjo s’është aspak e vërtetë. Provoni të keni durim dhe falë kalimit të Mërkurit në shenjën tuaj gjithçka do të marrë për mirë. Do të fillojë kështu për ju një sezon pozitiv, ku do të jeni të rrethuar nga njerëz optimistë. Fundjava premton të jetë pozitive dhe punët do të ecin vaj.
Peshorja
Venusi, planeti që ju përfaqëson, do të jetë protagonist në shenjën tuaj gjatë javës. Do të keni mbështetjen e Jupiterit edhe të Diellit. Të martën do të përjetoni një moment të veçantë në aspektin e ndjenjave, do të mund të kapërceni çdo pengesë dhe do të sqaroni çdo paqartësi në mënyrë që të shijoni plotësisht një lidhje. Më pas gjendja do të qetësohet, por të shtunën, falë Uranit në shenjë, do të ndieni dëshirën për të ndryshuar diçka. Qetësia, sidomos për këtë fundjavë, do të jetë një virtyt i vërtetë.
Akrepi
Rrallëherë ndodh që perspektiva për shenjën tuaj të jetë e shkëlqyer. Përgatituni për një javë pozitive, të mbushur me kënaqësi. Marsi do të ndikojë pozitivisht në shenjën tuaj në tri aspekte: të hënën do të ndiheni mjaft energjikë, të martën çështjet e zemrës do të ecin mjaft mirë, të mërkurën do të merrni frytet e punës tuaj. Kësisoj ju do të jeni mjaft të kënaqur. Të enjten Mërkuri do të kalojë në shenjën tuaj dhe ju do të jeni në gjendje të kontrolloni shpenzimet dhe të përballoni detyrimet që keni.
Shigjetari
Ky është momenti që të ndiheni të çliruar prej peshës, prej detyrimeve që s’ju përkasin. Dielli dhe Venusi do ta bëjnë më të veçantë këtë fillim jave. Ditën e enjte Mërkuri do të largohet prej kësaj shenje pas një qëndrimi disa mujor në të, duke ju detyruar të ndienit peshën e angazhimeve pa të cilat do të kishit bërë fare mirë. Me sa duket, të lindurit e shenjës së Shigjetarit do të përjetojnë një të tashme të këndshme.
Bricjapi
Janë pesë planetët që do të kalojnë në shenjën tuaj gjatë kësaj jave, një kombinim i rrallë ky duke e bërë të tashmen tuaj edhe më të bukur. Falë ndikimit të tyre do të ndiheni optimistë, entuziastë dhe do të jeni protagonistë në diçka të veçantë që e keni për zemër. Mos i vendosni vetes kufij, sepse do të mund të përballoni gjithçka. Të enjten, falë kalimit të Mërkurit në shenjën tuaj, do t’i keni idetë më të qarta. Përpiquni të mos ndikoheni shumë prej Uranit në fundjavë, sepse mund të gaboni.
Ujori
Është e çuditshme sesi ndonjëherë situatat sqarohen vetvetiu, pikërisht atëherë kur duket se diçka na shpëton dhe kalon pa u ndier. Edhe pse duket se bëjnë gjithçka për të mos rënë në sy, prania e planetëve do të ndihet shumë gjatë kësaj jave. Do të ndieni entuziazmin e personave pranë jush, që në njëfarë mënyre do të ndikojë për mirë dhe për ju. Do të ndieni një energji pozitive gjatë gjithë ditëve në vazhdim. Në fundjavë ju këshillohet që të tregoheni të duruar dhe të bëni kujdes.
Peshqit
Ju jeni optimistë të pandreqshëm, dhe entuziazmi juaj i prek edhe të tjerët. Të hënën, Jupiteri në shenjën tuaj do ta bëjë çdo situatë të veçantë dhe ju do të ndiheni mjaft rehat. Do të përjetoni raporte të bukura dhe të enjten njerëzit tuaj të afërm do të bëjnë çmos për t’jua plotësuar nevojat. Do të gjeni zgjidhje për problemet tuaja dhe do të merrni përgjigje për të gjitha pyetjet që keni. S’do të jetë e vështirë të besoni në të ardhmen.
