Dashi
Ndonjëherë frymëzohemi për stilin tonë prej të tjerëve, edhe për shkakun se mund të na mungojnë idetë. Diçka e ngjashme mund t’u ndodhë të lindurve të shenjës së Dashit në ditët në vazhdim, që janë dhe ditët e pushimit. Do të keni të bëni me njerëz kureshtarë, të çiltër dhe me të cilët do t’ju vijë natyrshëm të shkëmbeni ide dhe mendime. Jepuni pas argëtimeve në fundjavë dhe këshillohuni me ata që dinë më shumë se ju, në mënyrë që kjo të jetë një verë e shkëlqyer.
Demi
Pavarësisht se është periudhë pushimesh, ju të lindurit e shenjës së Demit mund të ndodheni në një situatë të mbushur me evenimente, që duket sikur janë bërë posaçërisht që të jeni në qendër të vëmendjes. Hëna e plotë e ditës së hënë do të ndikojë që t’i keni idetë më të qarta në aspektin profesional. Kalimi i Mërkurit në shenjën tuaj ditën e enjte, do t’ju ndihmojë të kaloni një ditë interesante. Falë Neptunit, që do të jetë në shenjën e Demit në fundjavë, do të mund të ndiheni më të çlodhur.
Binjakët
Hëna dhe Mërkuri do të ndikojnë në shenjën tuaj, duke e bërë këtë një moment të favorshëm në aspektin e ndjenjave. Hidhuni menjëherë në veprim përpara ditës së diel, sepse më pas mund t’ju mungojë guximi. Të hënën, falë pranisë së Hënës në shenjës tuaj, mund të mendoni për një udhëtim apo një iniciativë që e keni për zemër. Të enjten do të jeni të favorizuar në aspektin e ndjenjave, pa u druajtur se mund të gaboni. Lërini të tjerët t’i marrin vendimet për ju në fundjavë, sepse askush s’ka ndërmend t’ju mashtrojë.
Gaforrja
Pasi të jeni sqaruar për një situatë, që mbase nuk ka lidhje të drejtpërdrejtë me ju, duke filluar nga dita e martë, do të mund ta shijoni plotësisht periudhën e verës dhe mungesën e rregullave… Do ta shfrytëzoni situatën në mënyrë inteligjente, pa harruar ëmbëlsinë që ju dhuron Venusi. Të enjten është momenti i përshtatshëm për t’i dhënë zgjidhje diçkaje, kurse të shtunën do të përjetoni emocione të forta. Partneri dhe njerëzit tuaj të afërt do t’jua bëjnë fundjavën speciale.
Luani
Është e pamundur t’i merrni gjërat me qetësi kur yjet angazhohen aq shumë për ju. Të hënën do të ndjeni ndikimin e Hënës së plotë dhe do të mund të bëni disa ndryshime në situatën tuaj. Të enjten, falë ndikimit të Jupiterit, s’do ta keni aspak të vështirë të jeni optimistë dhe energjikë, në mënyrë që të realizoni diçka që me të vërtetë ia vlen. Në fundjavë, sidomos të dielën, do të përjetoni një gjendje të rrëmujshme, por që gjithsesi të këndshme.
Virgjëresha
Përfitoni nga prania e Hënës së plotë në shenjën tuaj ditën e hënë për të kuptuar nëse trupi juaj ka nevojë për kura dhe përkujdesje të veçanta. Shijojeni javën të mbushur me energji dhe entuziazëm dhe me dëshirën për t’u ndier mirë. Nën ndikimin e Mërkurit do të jeni të detyruar të tregoheni të matur. Të enjten do të keni mundësinë, që falë ndihmës së dikujt, të përfitoni diçka të rëndësishme. Mundohuni të jeni të qetë pavarësisht pasigurisë që ju japin yjet.
Peshorja
Gjatë mesit të gushtit, falë ndikimit të Venusit në shenjën tuaj, ju do të ndiheni më të përgjegjshëm për sa i përket aspektit profesional. Por Hëna e plotë e ditës së hënë do të ndikojë që ju t’i lini mënjanë angazhimet pa u ndier në faj. Aty nga mesi i javës do të keni kthjelltësinë e duhur për të kuptuar nëse po e ekzagjeroni apo po bëni diçka të merituar. Shqetësimet tuaja do të fashiten në fundjavë falë ndikimit të Neptunit, kur edhe do t’ju ndizen pasionet.
Akrepi
Falë ndikimit të Hënës së plotë ditën e hënë në shenjën tuaj, do të mund t’i jepni zgjidhje një çështjeje personale, ndoshta tamam në kohë që më pas të mund të shijoni pushimet e bekuara. Mërkuri do të ndikojë pozitivisht në dialogun me partnerin nga mesi i javës, duke ju dhënë kështu mundësinë që të zgjidhni çdo çështje të mbetur pezull. Në fundjavë tregohuni të zjarrtë, të vendosur dhe spontanë.
Shigjetari
Gjatë ditëve në vazhdim do të tregoheni entuziastë dhe energjikë për të përballuar sfidat që ju presin. Të hënën do të veproni me vendosmëri për t’ju dhënë zgjidhje çështjeve që ju presin në ditët në vazhdim. Yjet ju këshillojnë që duke filluar nga e enjtja të mos hiqni dorë prej optimizmit që ju karakterizon këto ditë. Në fundjavë, të ndodhur përballë personave apo situatave jo fort të qarta, do të vendosni të tregoheni të logjikshëm e do të gjeni zgjidhje konkrete.
Bricjapi
Kjo është periudha e përshtatshme për të reflektuar ndërkohë që përpiqeni të vendosni rregull në jetën tuaj. Gjatë kësaj jave do t’ju ofrohen mundësi interesante, të cilat mund t’i shfrytëzoni në favorin tuaj. Të enjten do të përpiqeni të përpunoni strategji në mënyrë që të jeni fitues. Bëni një pushim të merituar të shtunën, por të dielën do të reagoni me entuziazëm dhe pasion përballë situatave të paqarta.
Ujori
Ndonjëherë java fillon në mënyrë intensive dhe interesante që më pas të mbyllet bukur, duke shijuar energjitë pozitive të ditës së hënë. Hëna e plotë do të ndikojë pozitivisht në shenjën tuaj gjatë ditëve të para të javës dhe ju do të ndiheni optimistë dhe do të mund të ndryshoni të tashmen tuaj. Do ta mbyllni javën në shoqëri të shkëlqyer e do të jenë të shumta rastet ku do të mund të jepni më të mirën tuaj. Shijojeni sezonin e verës.
Peshqit
Besoni te vetja dhe tek entuziazmi juaj i pashërueshëm, si dhe ndihuni të lirë dhe energjikë. Mos lejoni askënd t’ju pengojë me idetë dhe ambiciet e veta, sepse këtë herë keni të drejtë ju. Mërkuri me ndikimin e tij do të bëjë që dikush pranë jush të rishikojë planet dhe projektet, në mënyrë që të mos bëjë gabime. Kurse ju do të viheni në lëvizje prej forcës e pasionit dhe prej nevojës që ndjeni për ta bërë më interesant sezonin tuaj. Duke filluar nga dita e enjte, Dielli dhe Venusi do t’ju dhurojnë harmoni në ndjenja.
