Dashi
Marsi ju bën të ndiheni dembelë dhe të pavendosur. Një sjellje e pazakontë kjo për një shenjë si e juaja, por do të ndodhë. Për këtë arsye, mos e refuzoni energjinë e madhe që do të provojnë t’ju transmetojnë të tjerët në ditët e para të javës dhe dorëzojuni entuziazmit të atyre që keni pranë. Bëni kujdes të enjten, ku për shkak të pozicionit të kundërt të Marsit dhe Mërkurit, mund të thoni gjëra të pamenduara. Në fundjavë do të keni komunikim të qetë falë ndikimit pozitiv të Mërkurit. Besojini të dielën atyre që mund t’ju habisin me diçka të veçantë dhe origjinale.
Demi
Kjo do të jetë një javë e ngarkuar dhe intensive. Energjia që do të ndieni do të gjallërojë të tashmen tuaj që tani është në gjendje statike. Të hënën dielli do t’ju bëjë më entuziastë dhe do të ndieni një forcë gjallëruese. Përgatituni që diku nga e mërkura dhe e enjtja të hasni vështirësi për të folur me partnerin ose kolegët. Nuk është faji juaj, por as mos prisni shumë prej tyre. Të dielën largimi i Mërkurit nga shenja juaj do të bëjë që të hasni vështirësi për të shprehur mendimet tuaja, prandaj duhet të tregoheni të vëmendshëm përpara se të flisni dhe të veproni, megjithëse Urani ju bën impulsivë.
Binjakët
Bashkimi mes diellit dhe Venusit që do të formohet në shenjën tuaj të hënën, do të jetë një sinjal i qartë i dëshirës suaj për të provuar që të përjetoni intensivisht çdo formë kënaqësie dhe argëtimi. Binjakët do të përjetojnë një javë aktive dhe të mbushur me energji. Ka të ngjarë që të ndieni pak lodhje dhe nervozizëm të enjten, atëherë kur Marsi do të sfidojë energjitë dhe durimin tuaj. Por në fundjavë, Mërkuri do të kalojë në shenjën e Binjakëve, duke ju dhuruar forcë dhe aftësinë për të bërë gjithçka dhe që të tregoheni të vendosur. Të dielën do të jetë momenti për të bërë zgjedhjet më të mira, më të lehta dhe më të bukura. Çdo gjë në kohën e vet.
Gaforrja
Kjo do të jetë me siguri një javë e qetë, atëherë kur yjet do të bëjnë që t’ju ulet volumi i punëve. Falë kalimit të hënës në shenjën e Gaforres ditën e hënë dhe të martë do të ndiheni të emocionuar. Më pas do të vuani nga vetmia kozmike. Në fakt, falë natyrës suaj të gjallë duket se mund të përballoni çdo formë mërzie dhe do të mjaftojë të gjeni diçka për të bërë që do t’ju ndihmojë të ndiheni të angazhuar. Bëni kujdes të enjten që me sjelljen tuaj të mos krijoni probleme në punë. Përballojeni çdo gjë me qetësi, sidomos ata që e kanë luksin të kenë kohë.
Luani
Bashkëveprimi mes Diellit dhe Venusit që do të ndodhë të hënën, do të jetë sinjal i qartë se si të lindurit e shenjës së Luanëve duket se duan ta përballojnë javën e re me vendosmëri dhe vullnet. Do të vendosni t’i jepni kuptim dhe vlerë ditëve në vazhdim dhe do ta bëni këtë sidomos në punë. Mundohuni të mos lodheni shumë nga gjysma e javës, sepse mania për ekzagjerim do të bëjë që të prishni rezultatet që keni arritur. Në fundjavë Mërkuri do t’ju ndihmojë të përmirësoni raportin që keni me paratë dhe çështjet praktike. Me pak fjalë do t’i lejoni vetes luksin e blerjeve dhe do të kënaqeni me gjërat e vogla dhe të mëdha.
Virgjëresha
Ambiciet janë të rëndësishme, por nuk duhet ta ekzagjeroni. Qielli i kësaj jave tregon se do të angazhoheni shumë veçanërisht në punë dhe ndaj çdo lloj forme tjetër të detyrës që e bëni me pasion dhe ndërgjegje të plotë. Megjithatë, nga mesi i javës do të ndiheni të lodhur dhe s’do të jeni në gjendje të përballoni ngarkesa të tjera. Përpiquni t’i merrni gjërat më shtruar, sepse së shpejti edhe Mërkuri do t’ju bëjë që të përqendroheni në aspektin profesional duke rrezikuar të mos u kushtoni vëmendje gjërave të bukura në planin personal dhe në fushën e ndjenjave.
Peshorja
Mos harroni se çdo gjë, edhe ato që karakterizohen nga qëllimet më të mira, lënë pas një shenjë dhe ne duhet të jemi të vetëdijshëm. Bashkëveprimi mes diellit dhe Venusit do të ndikojë pozitivisht në shenjën tuaj duke ju bërë që të përjetoni me entuziazëm dhe pasion interesat më të mira dhe megjithatë edhe kjo do të ketë pasojat e veta. Kështu, nga mesi i javës, dikush mund të reagojë në mënyrë të çuditshme, në mos edhe të pakëndshme në lidhje me diçka që po përjetoni. Përpiquni t’u jepni peshën e duhur fjalëve dhe reagimeve në mënyrë që të mos prishni një moment të bukur. Fundjava do të jetë e këndshme dhe origjinale, një moment që duket sikur është krijuar posaçërisht për të shijuar të tashmen.
Akrepi
Falë ndikimit të Mërkurit, interesat tuaja janë të lidhura ngushtë me ato të personave të tjerë. Mërkuri ju sfidon të bëni llogaritë me të gjitha këto për herë të fundit. Tashmë ju vë në provë prej kohësh me pozicionin e tij në të kundërt me shenjën tuaj. Bëni kujdes nga mesi i javës kur nuk do ta keni të lehtë t’i kuptoni dhe të bashkëpunoni me të tjerët. Pastaj, në fundjavë do të pajtoheni me këtë situatë dhe do të gjeni gjuhën e përbashkët me të tjerët. Ndërkohë, shijojeni shoqërinë e partnerit tuaj simpatik dhe argëtues, sepse do ta keni të nevojshme.
Shigjetari
Yjet vazhdojnë t’ju vënë në provë, sidomos tani që nuk është sezoni i përshtatshëm për të lindurit e kësaj shenje. Dielli dhe Venusi ju sfidojnë ta përjetoni çdo raport me sinqeritet dhe duke dhënë më të mirën nga vetja. Por s’ka për të qenë shumë e lehtë. Të enjten do të përjetoni angazhime të mëdha, pothuajse të lodhshme dhe durimi juaj do të vihet në provë. Duhet të përgatiteni për pozicionin e kundërt të Mërkurit, një fenomen që do të zgjatë pak, por që kërkon angazhim nga ana juaj për të mos bërë gabime të kota. Mos kini frikë të kërkoni këshilla dhe të gjeni gjuhën e përbashkët me të tjerët.
Bricjapi
Mërkuri, planeti i argëtimit, edhe për këtë javë do të provojë t’ju bëjë të interesoheni për kënaqësinë, të kënaqë kureshtjen tuaj ndaj gjithçkaje që shkëlqen dhe që ju bën të buzëqeshni. Shfrytëzojeni këtë energji për të reflektuar, por pa ndrydhur emocionet tuaja, sidomos të enjten dhe duke u përpjekur të tregoheni të logjikshëm. Provoni të shfrytëzoni anët pozitive të kësaj duke ndërthurur logjikën me të qenit praktik. Të dielën nuk do ta keni më mbështetjen e Mërkurit dhe përpiquni të keni një raport të mirë me ndjenjën e detyrës dhe ekuilibrin që ndan gjërat e bukura nga detyrimet e përditshme.
Ujori
Një bashkim shumë i bukur ai që ndodh mes diellit dhe Venusit që do të flasin në mënyrë të njëzëshme. Njerëzit pranë jush do t’ju bëjnë t’i merrni gjërat pozitivisht dhe do t’ju bëjnë të besoni se ju pret diçka e bukur në të tashmen, diçka që ia vlen. Do t’i përjetoni me entuziazëm ditët në vazhdim, edhe të enjten kur kjo mund të bezdisë një kolegun tuaj ose një person me të cilin ju lidh puna. Do ta mbyllni javën bukur, atëherë kur Mërkuri do të ndikojë pozitivisht në shenjën tuaj duke ju bërë simpatikë, origjinalë dhe jashtëzakonisht të zgjuar. Një javë e shkëlqyer.
Peshqit
Yjet e këtij sezoni duket se ju detyrojnë të merreni shumë me veten dhe të tashmen, megjithëse Jupiteri vazhdon t’ju shtyjë të merreni me të tjerët. Janë të shumta energjitë që e zhvendosin vëmendjen tuaj drejt shpirtit, drejt mendimeve më intime, te gjërat që nuk mundeni dhe nuk doni t’i bëni publike. Kështu, nga mesi i javës, nevoja juaj për privatësi mund t’ju bëjë të ndiheni të tensionuar dhe nervozë. Por do të dini të reagoni duke i dhuruar vetes një fundjavë të larmishme dhe origjinale që ka për t’ju pëlqyer. Asgjë nuk është e pamundur për yjet, sidomos për të lindurit e shenjës së Peshqve që e pëlqejnë lirinë.
