Dashi
Juaja është një shenjë energjike, plot jetë e gjallëri dhe që ka forcën e nevojshme për të kryer misionin tuaj të vërtetë, atë që të ekzistoni dhe të bëni zhurmë. Por të premte, Marsi do të largohet nga shenja juaj duke shkuar në shenjën pasuese dhe duke bërë që të lindurit e shenjës së Dashit të përjetojnë një moment vështirësie. Gjatë kësaj periudhe mund t’u përkushtoheni çështjeve praktike, materiale dhe ekonomike. Mos u merrni me problemet e punës ditën e diel dhe as me strategjitë që duhet të përpunoni për ditën e hënë. Dhe kjo për arsyen e thjeshtë, sepse Mërkuri s’do t’ju favorizojë shumë në aspektin profesional.
Demi
Gjatë kësaj jave, përkatësisht ditën e premte, do të përgatiteni për kalimin e Marsit në shenjën tuaj. Për këtë do t’ju favorizojë energjia që do t’ju dhurojë Dielli , Mërkuri dhe Plutoni, duke ju ndihmuar që të keni ide dhe të gjeni zgjidhjet e duhura dhe duke i hapur rrugën planetit të kuq (dhe energjisë që ju dhuron ai). Më pas, në fundjavë, Marsi do të ndikojë që t’u përkushtoheni pasioneve tuaja, ndjenjave dhe nevojave të së tashmes. Të diel shfrytëzoni sa më mirë ndikimin pozitiv të Hënës së plotë, në mënyrë që të shijoni një ditë të mbushur me gjëra të bukura e argëtuese, sepse e meritoni.
Binjakët
Jeni gati për një javë të ngarkuar dhe gjithmonë në lëvizje? Jeni të gatshëm për të dhënë më të mirën, sepse tani Mërkuri duket se pretendon prej jush vetëm këtë, që të shfaqni të gjitha aftësitë tuaja që të angazhoheni për diçka që t’ia vlejë. Ju do të shijoni miqësinë e Diellit dhe të Plutonit, planetët që do të ndikojnë më shumë në shenjën tuaj gjatë kësaj jave. Ulini pak ritmet në fundjavë, sepse nëse tregoheni të nxituar nuk do ta keni favorizimin e Saturnit. Hëna e plotë e ditës së diel do të ndikojë që ta përjetoni sa më mirë situatën në familje.
Gaforrja
Mërkuri dhe Dielli do të jenë aleatët tuaj më të mirë për këtë javë dhe mund të provoni të kuptoni vërtet personat pranë jush, personat e dashur për ju dhe ata që ndodhen në të njëjtën situatë me ju. Kështu, pas fillimit të javës ku do të ndiheni të përtëritur edhe falë ndikimit të Hënës. Duke filluar nga dita e martë do të përpiqeni të kuptoni qartë raportet, për të cilat keni filluar të keni dyshime. Më pas, këshillohet që të premte t’u kushtoheni angazhimeve tuaja, sepse nuk do t’ju kërkohet më të bëni të pamundurën dhe ju s’do të ndiheni më sikur jeni në borxh me të gjithë. Situata do të jetë më e qetë në fundjavë dhe do të keni më shumë mundësi për të reflektuar.
Luani
Ka momente gjatë të cilave vendosim të lëmë mënjanë dembelizmin për t’iu përkushtuar vërtet diçkaje, që edhe pse mund të mos na pëlqejë shumë, mund ta konsiderojmë të dobishme dhe të rëndësishme. Në ditët në vazhdim nën ndikimin e Mërkurit dhe Plutonit do të bindeni që të bëni pikërisht këtë, ose që të hiqni dorë nga qetësia tipike e shenje si juaja për t’u marrë me çështjet praktike, ekonomike dhe materiale. Do të lodheni shumë në mënyrë që të bëni përpara. Por bëni kujdes, sepse duke filluar nga dita e premte, pozicionimi i ri i Marsit do të vërë në provë energjitë tuaja dhe ju pret një periudhë e ngarkuar. Të dielën lërini hapësirë dialogut në çift.
Virgjëresha
Mërkuri do të jetë protagonisti i vërtetë i kësaj jave dhe bashkë me të dhe ju. Pjesa e parë e javës do të jetë e këndshme, sepse falë Diellit e Plutonit nuk do t’ju mungojë kurrë forca për të bërë diçka të nevojshme dhe që ju pëlqen. Këtë do ta bëni me sinqeritet, pasion dhe bindje. Si shpërblim, duke filluar nga dita e premte, Marsi do të pozicionohet në shenjën tuaj, duke ju dhënë forcë për të përmirësuar situatën tuaj të tanishme. Bëni kujdes të diel, kur Hëna e plotë që do të shkëlqejë në shenjën tuaj, do të ndikojë që Mërkuri të kalojë në pozicion të kundërt me Saturnin. Mos merrni asnjë vendim të ri, mos i prishni raportet me askënd.
Peshorja
Kjo është për ju një periudhë e mbushur me pasiguri dhe do t’ju duhet të mendoheni paksa për diçka. Mund t’ju lindë nevoja të shtyni për më vonë ëndrrat dhe projektet tuaja. Mbase nuk ju pëlqen kjo situatë, por do të ishte më mirë që të mos kundërshtonit, sepse gjithçka bëhet në kohën e vet. Në ndihmë do t’ju vijnë yjet dhe Marsi do të kalojë në shenjën tuaj, sepse kjo dukuri ju ka bërë shpesh të acaruar e të paduruar. Nuk do të keni shumë pritshmëri për një raport, i cili ju ka vënë në pozita pritjeje. Do ta keni më të lehtë të buzëqeshni dhe të merreni me problemin e radhës.
Akrepi
Si thuhet “argëtim” në gjuhën e të lindurve nën shenjën e akrepit? Do ta zbuloni këtë në ditët në vazhdim kur Dielli, Mërkuri dhe Plutoni do të bëjnë gjithçka për ta bërë të veçantë dhe aspak të mërzitshme javën tuaj. Argëtohuni duke përjetuar situatat më intriguese dhe gjërat që ju ngjallin kureshtjen ju ndezin edhe dëshirën. Jini gjithmonë të hapur për dialog, sepse duke filluar nga dita e premte largimi i Marsit nga shenja juaj mund t’ju krijojë vështirësi në raportet tuaja. Ju këshillohet që gjatë fundjavës të bëni ndonjë aktivitet me ndonjë mikun tuaj, ose me ndonjë person që ka perspektivën të bëhet i tillë dhe mos u merrni me çështje shumë të ndërlikuara.
Shigjetari
Ju jeni njerëz të vendosur e të pasionuar, por në fakt tani duket se keni dyshime. Kjo është gjendja që do të përjetojnë të lindurit nën shenjën e Shigjetarit në ditët në vazhdim, sepse ndryshimi mes jush dhe të tjerëve do të jetë i dukshëm. Ju megjithatë mos u ndikoni shumë prej të tjerëve që duan t’ju bëjnë të nxitoni, t’ju nxisin që të bëni më shumë dhe më mirë, sepse nuk funksionon kështu. Do të ishte më mirë që t’i kursenit energjitë e çmuara dhe të përgatiteni si t’i përballoni projektet e reja nën ndikimin e Hënës së plotë, e cila në fundjavë do të shkëlqejë plotësisht në qiellin tuaj. Ndonëse dikush mund të mos jetë shumë i lumtur për këtë.
Bricjapi
Gjatë këtyre ditëve do të ndieni që të tjerët ju kuptojnë vërtet dhe ju pranojnë për atë që jeni. Nën ndikimin e Diellit dhe të Mërkurit do të filloni dialogun me të tjerët dhe do të bisedoni me ta dhe për çështjet më delikate, të cilat po përpiqeshit t’i përballonit të vetëm. Gjatë kësaj jave do të kërkoni bashkëpunimin e personave që keni për zemër, me të cilët do të ndani pasionet dhe dëshirat. Më pas, energjia që do t’ju dhurojë Marsi do t’ju ndihmojë të përjetoni më mirë kënaqësinë, pasionin dhe argëtimin. Në fund, shfrytëzoni hënën e plotë të ditës së diel që të vendosni për një udhëtim dhe të merrni një vendim që ka të bëjë me interesat dhe pasionet tuaja.
Ujori
Një person pranë jush duket se ndien nevojën për t’u shprehur, për të folur dhe për të derdhur të gjitha energjitë. Kjo do të ndikojë shumë në cilësinë e javës tuaj. Provoni t’i shkoni pas fijes dikujt, i cili ka nevojë që të tregohet i hapur dhe të bisedojë me ju. Edhe pse mund të mos keni shumë dëshirë për ta bërë këtë. Vendosja e Marsit në shenjën tuaj ditën e premte mund të ndikojë që të ndiheni më pak energjikë dhe të përqendroheni vetëm në gjërat më të rëndësishme. Do ta keni të pamundur të merreni me gjërat që nuk kanë lidhje drejtpërsëdrejti me ju.
Peshqit
Mos provoni ta fshihni kokën në rërë si pasojë e pasigurisë që ju vjen prej ndikimit të Jupiterit, sepse në ditët në vazhdim do të duhet të shfaqeni gjithmonë të angazhuar. Kjo ndodh si gjithmonë për faj të ndikimit të Mërkurit, planetit që tani ndodhet në shenjën tuaj, i cili ju imponon të bashkëjetoni me personat që veprojnë shumë më shpejt se ju. Provoni ta sqaroni situatën deri ditën e enjte, kur qielli mund të ndikojë që t’ju prishet disi qetësia. Shijoni energjinë e Marsit mik në shenjën tuaj, i cili do t’ju ndihmojë të plotësoni nevojat tuaja. Mos u druani të dielën që të zhgënjeni dikë, duke vendosur të ndryshoni rregullat e një raporti.
