Dashi
Këtë javë çdo gjë do jetë e bukur dhe e veçantë për ju që keni një lidhje. Ndjenjat që keni për partnerin do t’i shprehni gjithë kohës ashtu si do t’i keni në zemër. Disa mund të mendojnë edhe për një turne të shkurtër në fundjavë. Beqarët do fillojnë të ndiejnë për një person, që kanë pak kohë që e kanë njohur, por që sa herë e kanë pasur pranë i ka bërë të buzëqeshin. Buxheti do jetë i mirë, kështu që ka ardhur koha e përshtatshme për të kryer investimet e programuara. Shëndeti nuk ka për të qenë i keq, përveç ndonjë irritimi, që do keni tek sytë. Në punë do t’iu jepen mundësi të reja që të tregoni të gjitha aftësitë që zotëroni. Nuk do keni aspak periudha të vështira. Marrëdhënia me familjarët do jetë e mirë.
Demi
Do jeni më të përkujdesur për partnerin tuaj gjatë kësaj dite dhe marrëdhënia me të ka për t’u përmirësuar akoma më tepër. Ndjenjat do t’i shprehni të dy me mënyra nga më të ndryshmet. Beqarët më mirë të presin edhe pak kohë, sepse yjet nuk parashikojnë ndonjë gjë interesante. Për fat të mirë financat do jenë gjithë kohës të stabilizuara. Do ta dini mirë sa të shpenzoni dhe sa para të hiqni mënjanë. Gjendja shëndetësore mund të luhatet në disa momente, megjithatë shumë shpejt do të arrini ta rimerrni veten. Në punë do të përqendroheni tek objektivat kryesore dhe në asnjë moment nuk do të keni probleme. Gjithçka do të ecë sipas planeve.
Binjakët
Nëse doni që partneri të mos ndihet i lënë pas dore dhe të mos shohë dikë tjetër, mundohuni që këtë javë ta bëni atë të lumtur duke i përgatitur surpriza dhe duke ia shprehur ndjenjat. Beqarët nuk duhet të abuzojnë me joshjen, pasi do të krijojnë një imazh shumë të keq për veten e tyre, përveçse nuk do ta gjejnë dashurinë. Financat do të fillojnë të ekuilibrohen ndjeshëm, pas një periudhe goxha delikate, që keni krijuar së fundmi. Ndihma e miqve do të jetë gjithashtu e nevojshme. Shëndeti nuk do të jetë i keq. Pak kujdes duhet të bëjnë ata që kanë imunitet disi të dobët. Në punë mos bëni gjëra pa llogaritur më parë gjithçka, sepse keni për t’u zhgënjyer pamasë.
Gaforrja
Javë e bekuar do jetë kjo për ata që janë në një lidhje. Gjërat kanë për t’iu ecur për mrekulli me partnerin dhe nga ana tjetër diçka e madhe do t’ju bëjë të drithëroheni në ditët e fundit të javës. Beqarët duhet ta lënë veten sa më të lirë dhe kanë për ta parë që gjithçka do t’ju ecë më së miri. Ditët më me fat do të jenë e mërkura dhe e shtuna. Financat do të jenë të shkëlqyera, kështu që mund t’i kryeni pa asnjë problem të gjitha investimet që keni menduar. Shëndeti do jetë më i qetë pas të martës. Nuk do keni me as shqetësimet nga stomaku. Në punë do keni personalitet, vendosmëri dhe kurajë në çdo moment.
Luani
Këtë javë do bëni të pamundurën ju të dashuruarit për ta përmirësuar edhe më tepër marrëdhënien me partnerin tuaj. Do dini të ruani qetësinë dhe do toleroni herë pas here. Ai që keni në krah mund t’iu bëjë edhe një premtim ose një surprizë të madhe. Beqarët nuk do ndihen ende gati për të bërë ndryshime në jetën e tyre. Financat do jenë të shkëlqyera, por kjo nuk do të thotë që për këtë arsye ju të shpenzoni pa mbarim. Në punë përfitoni sa të mundeni nga propozimet që do t’ju bëhen nëse doni të hidhni hapa para në karrierë.
Virgjëresha
Nuk do dashuroheni dot ashtu si keni menduar ju të dashuruarit dhe marrëdhënia juaj në çift nuk do jetë ashtu si e keni pritur. Për të qenë të qetë më mirë flisni hapur me atë që keni në krah. Beqarët duhet të largojnë turpin dhe komplekset nëse duan të fillojnë sa më parë një lidhje. Nga ana tjetër mirë do bëjnë të mos besojnë verbërisht tek të gjithë ata që do t’i propozojnë. Financat nuk do jenë të këqija ditët e para, por duke bërë çmenduri situata ka për t’iu dalë shpejt jashtë kontrollit.
Peshorja
Jeta në çift do jetë mjaft e privilegjuar këtë jave. Do të kujdeseni mjaft për atë që keni në krah dhe marrëdhënia mes jush ka për të qenë e begate. Beqaret do të jenë shume më të kujdesshëm dhe më të ekuilibruar kur të bëjnë përzgjedhje. Ka mundësi që një pjesë të gjejnë personin ideal me të cilin do fillojnë edhe lidhje afatgjata. Financat ka mundësi të përmirësohen goxha. Do i keni shumë më të qarta hapat që duhet të hidhni. Shëndeti nuk do të jetë në gjendjen më të mirë të mundshme. Stresi dhe lodhja mund të sjellin edhe ndonjë shqetësim. Në punë fati do t’ju buzëqeshë në çdo moment dhe keni për të pasur arritje të padiskutueshme. Me familjaret marrëdhënia do të jetë e shkëlqyer.
Akrepi
Këtë javë do të ketë ndryshime të mëdha në jetën tuaj në çift, por për fat të mirë të gjitha pozitive. Bëhuni gati të përjetoni emocionet që keni ëndërruar gjithmonë. Venusin do e keni pranë gjatë gjithë kohës. Beqaret do të vazhdojnë të jenë ëndërrimtare, por ndryshe nga herët e tjera sot disa ëndrra do të mund të realizohen. Hëna do t’ju nxitë të kryeni shpenzime të njëpasnjëshme dhe nuk do të arrini dot ta kontrolloni veten. Situata do të jetë delikate. As shëndeti nuk do të jetë ashtu si e prisnit. Nuk do të jeni në formën e duhur dhe mund të keni shqetësime nga shpina, këmbët apo edhe nga koka. Në punë perspektivat duken të mira. Do të merrni vendime të rëndësishme dhe do të hidhni hapa para në karrierë. Familja pa asnjë problem.
Shigjetari
Ndryshime të mëdha do ketë këtë javë në jetën tuaj në çift. Nuk do jeni me kritikë ndaj partnerit tuaj dhe do të kërkoni falje për disa gabime që keni bërë. Beqarët do të kenë një jetë më aktive dhe do të mund ta gjejnë personin e përshtatshëm. Mire do jetë t’i bëjnë sytë katër në çdo moment. Buxheti nuk do të jetë i keq, por nëse ju kërkohen borxhe ose mos jepni ose merrni garanci me shkrim. Shëndeti do të jetë i shkëlqyer. Edhe ata që vuanin nga pagjumësia do të jenë më të qetë. Në punë klima do jetë e qetë dhe harmonike. Do të filloni projekte serioze dhe falë ideve të mira do i realizoni të gjitha në kohën e duhur. Në familje do i zgjidhni disa mosmarrëveshje që keni pasur dhe do të jeni më të qetë.
Bricjapi
Ka rrezik që gjatë kësaj jave të keni shumë debate dhe mosmarrëveshje me partnerin tuaj. Secili prej jush do të kërkojë të dalë e veta dhe nuk do të bëni tolerime. Ata që janë ende vetëm ka mundësi të njihen me disa persona interesante gjatë ndonjë mbledhjeje apo gjatë ndonjë udhëtimi në fundjavë. Buxheti nuk do të jetë i keq, por disa persona të cilëve iu keni marrë hua do të kërkojnë me ngulm që t’ua ktheni. Kjo ka për ta dobësuar gjendjen goxha. Shëndeti do të jetë më i mirë pas të martës. Do jeni në formë dhe do të keni energjinë e duhur. Në punë do të jeni më të organizuar dhe së bashku me disa kolegë të vjetër do të arrini atje ku iu kanë kërkuar shefat. Jeta familjare do t’ju sjellë vetëm gëzim.
Ujori
Pritet që dielli të lindë në jetën tuaj në çift gjatë kësaj jave. Do i lini pas krahëve problemet që keni pasur me partnerin dhe do të mundoheni që tani e tuje të krijoni një klimë sa më të ngrohtë. Të dy do të bëni përpjekje dhe do ja dilni mbanë. Beqaret do marrin një propozim fantastik në momentin që më pak do e presin. Para se të japin përgjigjen duhet të reflektojnë pak në mënyrë që nesër të mos pendohen. Financat do të kenë përmirësime ditë pas ditë dhe deri në fundjavë gjendja do të normalizohet goxha. Shëndeti nuk ka për të qenë i keq, megjithatë disa kontrolle rutinë do të jetë mirë që t’i bëni. Në punë do të jeni kurajozë dhe të vendosur prandaj do e arrini çdo qëllim që do i vini vetes. Edhe me familjen gjërat do të ecin mirë.
Peshqit
Kjo javë nuk do të jetë me shumë pasion për juve që jeni në një lidhje, por gjithsesi probleme të mëdha nuk do të keni. Kënaquni me qetësinë që do mbizotërojë. Beqaret do e kenë thelbësor mendimin e miqve dhe familjareve para se të bëjnë një zgjidhje. Ka mundësi që nga mesi i javës të ndodhë diçka e bukur. Financat do të jenë shumë herë më të mira se më parë kështu që do e keni të lehtë të kryeni edhe disa shpenzime më tepër. Nëse keni borxhe shlyejini sa më parë. Shëndeti do të jetë i mirë për pjesën më të madhe. Ata që vuajnë nga probleme kronike duhet të bëjnë një vizitë sa më parë. Në punë duhet t’i zgjidhni problemet me kolegët pasi ato nuk do t’ju lënë të ecni para. Me familjaret do të jeni diplomatë.
