Dashi
Më në fund yjet po merren seriozisht me shenjën tuaj dhe po kujdesen për ju në njëfarë mënyre. Kështu, nëse Venusi do të largohet nga shenja juaj ditën e martë, duke ju krijuar ndjesinë se ju mungon ëmbëlsia, së shpejti do të ngushëlloheni me forcën që do t’ju japë Jupiteri dhe do të ndieni se ju pret një e ardhme e ndritur. Të premten, falë bashkëveprimit mes Marsit dhe Venusit, do të tregoheni spontanë dhe të hapur ndaj dashurisë. Falë Hënës së plotë që do të shkëlqejë në shenjën tuaj, do të filloni të mendoni për pushimet verore.
Demi
Të martën mund të jetë momenti i përshtatshëm për të menduar për të tashmen ose për të ardhmen e afërt. Gjatë ditëve në vazhdim Mërkuri do të largohet nga shenja juaj, por do të ndieni praninë e Venusit. Ky shkëmbim është mjaft i favorshëm dhe do t’ju lejojë që të jeni vetvetja, duke lënë mënjanë shqetësimet në mënyrë që t’i përkushtoheni gjërave të bukura. Sjelljen tuaj do ta vërejnë dhe njerëzit pranë jush dhe cilësia e raporteve tuaja do të përmirësohet. Në këtë periudhë do t’ju pëlqejë të rrini në praninë e miqve të vërtetë.
Binjakët
Mërkuri do të kalojë në shenjën tuaj ditën e martë, duke ju dhënë forcën dhe energjinë e nevojshme që të jeni vetvetja. Gjithashtu, ai do t’ju ndihmojë që të ndiheni të fortë psikologjikisht dhe për rrjedhojë dhe më të sigurt në vete. Duke filluar nga dita e premte, Jupiteri do të ndikojë sërish në shenjën tuaj dhe cilësia e raporteve tuaja do të përmirësohet. Kurse largimi i Hënës së re, do t’ju ndihmojë të kuptoni se duhet të përfitoni nga prania e Jupiterit dhe ndikimi pozitiv që ka ai në çiftin tuaj.
Gaforrja
Edhe pse Marsi mund të mos ushtrojë më një ndikim pozitiv në shenjën tuaj, është Venusi ai që do t’ju ndihmojë të jeni në paqe me veten dhe të përjetoni ato emocione që ju bëjnë të ndiheni mirë me apo pa praninë e planetit të kuq. Falë ndikimit pozitiv të Jupiterit ditën e premte, ju do të besoni sërish në projektet tuaja. Në fundjavë është momenti i përshtatshëm që të vendosni të bëni diçka që ka të bëjë me mirëqenien tuaj.
Luani
Ndikimi i planetëve në shenjën tuaj, tregon për energji dhe realitete që kanë të bëjnë me aspektin publik dhe profesional. Janë pikërisht yjet ata që e diktojnë këtë. Gjatë kësaj kohe do të keni ndjesinë se nuk jeni shumë praktikë dhe do të përpiqeni t’i përkushtoheni më shumë anës profesionale. Hëna e re e ditës së premte do t’ju pengojë të mendoni për gjërat e bukura, duke jua vështirësuar fundjavën. Por do të ndiheni më mirë nëse bëni ndryshime në pamjen tuaj të jashtme.
Virgjëresha
Qielli juaj do t’i ngjajë një ore të madhe e të përsosur kozmike, një mekanizëm i aftë për të vendosur rregull në të tashmen tuaj. Duke filluar nga dita e martë, Mërkuri do t’ju ndihmojë të përqendroheni në çështjet e rëndësishme, kurse Venusi do t’ju ndihmojë të besoni në atë që bëni. Do të jeni disi dyshues për ndikimin e Jupiterit në shenjën tuaj ditën e premte dhe kësisoj do të keni nevojë për pak kohë që t’u besoni atyre që gjatë këtyre ditëve po sillen mirë e në mënyrë të logjikshme.
Peshorja
Më në fund do të bëni paqe me yjet e me gjithçka që ju rrethon. Gjatë kësaj jave do të gjeni forcën dhe kurajën për të qenë vetvetja, për të besuar në projektet dhe te njerëzit që do t’ju ndihmojnë t’i realizoni ato. Venusi do të favorizojë shenjën tuaj duke ju dhënë energjinë e nevojshme për të krijuar raporte që ia vlejnë. Falë ndikimit pozitiv të Mërkurit do të jeni në gjendje të merreni me gjërat vërtet të rëndësishme. Të premten do të ndieni ndikimin pozitiv të Jupiterit.
Akrepi
Lëvizin planetët, ndryshojnë sfidat e momentit. Gjithçka mund t’ju ndodhë ditën e martë, atëherë kur Mërkuri s’do t’jua ndërlikojë më raportet me paratë dhe me të tjerët. Kurse Venusi do t’ju bëhet pengesë për t’u përqendruar në raportet tuaja. Pranojeni sfidën, sepse do ta fitoni. Sepse përtej ndjesisë së dobësisë dhe të pasigurisë, do të zbuloni brenda vetes burime dhe energji që nuk mendonit se i kishit. Të premten, falë bashkëveprimit mes Marsit dhe Venusit, do ta përjetoni dashurinë në mënyrë spontane.
Shigjetari
Bëni durim nëse yjet apo njerëzit përreth jush ju sfidojnë të shfaqni një forcë dhe energji që mendonim se nuk ekzistonte më. Mos u shqetësoni për largimin e Mërkurit nga shenja juaj, sepse falë pranisë së Jupiterit do t’ia dilni mbanë mjaft mirë. Prisni deri të premten, atëherë kur Hëna e plotë do të ndriçojë në shenjën tuaj, përpara se të gjykoni dhe të besoni se gjërat nuk kanë shkuar siç do të donit. Për ju po fillon një sezon i mbushur me ëndrra, shpresa dhe optimizëm. Një thesar që s’do çuar dëm.
Bricjapi
Ndieni shpesh nevojën që t’u shmangeni problemeve për t’iu përkushtuar më shumë argëtimit. Mos u shqetësoni, sepse në këtë sipërmarrje të vogël tuajën do të keni Venusin pranë që me energjinë që ju dhuron do t’ju çlirojë nga çdo ndjenjë faji. Ndikimi i Jupiterit do t’ju krijojë ndjesinë se tani gjithçka është më e thjeshtë dhe nuk ju mungojnë mundësitë për t’ia filluar nga e para, që të besoni sërish në ëndrrat dhe projektet tuaja.
Ujori
Me afrimin e sezonit të verës, gjithçka duket se po shkon si duhet, tamam ashtu si shpresonit. Venusi do të ndikojë pozitivisht në çështjet tuaja intime, kurse Mërkuri do t’ju ndihmojë që ta përballoni gjithçka me buzëqeshje. Por edhe Jupiteri do të ndikojë në shenjën tuaj, duke ju kujtuar se pushimet janë pranë dhe duhet të mendoni për organizimin e tyre që të jenë ashtu siç i dëshironi si për ju dhe për njerëzit tuaj të dashur.
Peshqit
Duket se falë ndikimit të Venusit dhe të Mërkurit gjithçka po shkon në vendin e vet. Pas disa muajsh gjendje pasigurie, falë ndikimit të Jupiterit, do ta vazhdoni diçka pikërisht aty ku e kishit lënë. Pas një pauze të detyruar do të vazhdoni me ëndrrat dhe projektet tuaja. Por në mënyrë që të mos gaboni, do t’ju duhet t’i merrni gjërat me ngadalë. Të premten, falë ndikimit të Hënës së plotë, do të shijoni frytet e punës tuaj. Tani jeni të autorizuar të reagoni.
