Dashi
Mund të keni shumë punë për të bërë, por java do t’ju duket tepër hutuese. Mund të jetë më mirë të analizoni situatën para se të bëni ndonjë zotim ose premtim, veçanërisht nëse ato janë të rëndësishme. Dhe me një hënë të plotë në mesditë në Peshqit, mund të shfaqen edhe emocione, gjë që mund ta bëjë më të vështirë për ju të zgjidhni se çfarë është më e mira. Gjërat do të bëhen më të lehta gjatë fundjavës.
Demi
Mundësi të kënaqshme mund të vijnë për ju gjatë javës së ardhshme, veçanërisht nëse keni qenë të zënë në frontin e shtëpisë. Pas një periudhe pune të vështirë, mund të preferoni të bëni diçka më të relaksuar për veten tuaj. Këtë javë, dikush që nuk e shihni shpesh mund të shfaqet papritur në pragun tuaj, dhe kjo mund të jetë një justifikim për një udhëtim të përbashkët ose të madh. Deri në fundjavë, mund të ndjeni sikur jeni qetësuar.
Binjakët
Gjatë kësaj jave të lindurit e shenjës së Binjakëve do t’i kushtojnë rëndësi të veçantë anës së tyre emocionale. Do të jetë ky një sforcim i nevojshëm, sepse të mërkurën, Hëna e plotë do të ndikojë që të zgjidhni rrugën e gabuar dhe në njëfarë mënyre do të vendosni vetë për fatin tuaj. Mos hezitoni kurrë të vini në pikëpyetje vendimet e marra dhe të pyesni veten nëse po bëni gjënë e duhur në përputhje me qëllimet tuaja. Gjatë këtij rrugëtimi do të zbuloni diçka interesante.
Gaforrja
Të lindurit e shenjës së Gaforres gjatë kësaj jave do të shfaqen të vendosur në çdo situatë, duke habitur të njohurit, të cilët s’do të dallojnë tek ata natyrën e ndrojtur dhe mirëkuptim që i karakterizon zakonisht. Por bëni kujdes nga Hëna e plotë e ditës së mërkurë, e cila mund të ndikojë që ju të keni ide të gabuara dhe të merrni vendime të nxituara. Me pak fjalë, do t’ju duhet të tregoheni të kujdesshëm, duke u përpjekur të pajtoni dinjitetin dhe logjikën. Për fat, të dielën, do ta keni gjithçka më të qartë.
Luani
Gjatë kësaj jave, të lindurit e shenjës së Luanit do të bëjnë analiza logjike për gjithçka. Sepse nëse të martën Neptuni do të ndikojë që ju të ndiheni të shpërqendruar, Mërkuri me ndikimin e tij do të bëjë që të hapni sytë për të vërtetën që mbase nuk doni apo nuk mundeni ende ta shikoni. Në fundjavë do të ndiheni mjaft energjikë dhe do të përjetoni një situatë mjaft interesante, si dhe ndryshime që do t’ju pëlqejnë dhe do t’ju bëjnë të ndiheni optimistë.
Virgjëresha
Ka ardhur momenti që t’i merrni gjërat seriozisht, të përpiqeni të mos ndieni më pasiguri dhe të tregoheni të logjikshëm. Do të jenë Marsi dhe Mërkuri ata që me siguri do të ndikojnë që të keni kurajën e nevojshme për të bërë gjithçka të rëndësishme. Bëni kujdes ditën e mërkurë, kur nën ndikimin e Hënës së plotë mund të krijoni mendim të gabuar për një person pranë jush. Prandaj, do të ishte më mirë të mos i besonit shumë instinktit tuaj. Duke filluar nga dita e diel, falë ndikimit të Mërkurit, do të ndiheni të veçantë.
Peshorja
Gjatë kësaj jave, Marsi nuk do të jetë shumë i dukshëm për shenjën tuaj, duke bërë më të padukshme dhe praninë e personave të rëndësishëm për të tashmen dhe të ardhmen e afërt. Kjo javë do të jetë mjaft e qetë, si pasojë e heshtjes së planetëve. Gjithçka duket se do të zgjidhet qetësisht, duke ndikuar që të lindurit e kësaj shenje të ndihen më të lehtësuar. Mos bëni asgjë për ta ndërlikuar apo rënduar situatën tuaj, sepse duhet të jeni të përgatitur për më të mirën që ju pret.
Akrepi
Më në fund kjo periudhë e çuditshme, e karakterizuar prej vrullit të pushimeve, duket se po mbaron. Kësisoj, e tashmja dhe e ardhmja do të jenë më pak stresuese. Falë ndikimit të Marsit, angazhimet tuaja do të jenë më të pakta, kurse Mërkuri do të ndikojë që të keni një raport më të mirë me paratë dhe t’u jepni zgjidhje problemeve tuaja. Bëni kujdes ditën e mërkurë, kur nën ndikimin e Hënës situata mund t’ju duket më pozitive nga ç’është në të vërtetë.
Shigjetari
Ngjarjet duket se po marrin një rrjedhë serioze dhe projekte të reja ju presin. Falë ndikimit të Saturnit do të jeni në gjendje t’i përballoni sfidat e reja me kurajë. Marsi dhe Mërkuri do të ndikojnë që të gjitha energjitë tuaja t’i përqendroni tek angazhimet e punës dhe për gjëra të ngjashme, sepse ka ardhur momenti që të veproni. Mos i kushtoni shumë rëndësi gjendjes tuaj shpirtërore ditën e mërkurë, apo t’i bëni qejfin një të afërmi tuaj, sepse nën ndikimin e Hënës së plotë s’do t’i keni aspak idetë të qarta.
Bricjapi
Tani që arrini t’i shikoni gjërat qartë, nuk do të mund të trembeni prej ndikimit të yjeve. Të martën, Marsi dhe Mërkuri do të ndikojnë që ju të jepni më të mirën prej vetes duke u treguar të fortë e të vendosur në këtë të tashme të pasigurt. Aty nga mesi i javës, situata do të jetë disi e paqartë për të lindurit e kësaj shenje. Të shtunën, nën ndikimin e Diellit, do të ndieni nevojën për ndryshim dhe përmirësim. Kurse të dielën, Mërkuri do ta favorizojë shenjën tuaj.
Ujori
Tani është koha që t’u përkushtoheni më shumë personave që keni më për zemër. Bëjeni sidomos këtë gjatë ditëve të para të javës, kur nën ndikimin e Marsit raportet tuaja do të jenë më pak të tensionuara. Mos bëni plane që kanë lidhje me aspektin ekonomik aty nga mesi i javës, pasi nuk është kjo periudha më e përshtatshme. Në fundjavë raporti juaj do të karakterizohet prej pasionit. Mos e çoni dëm këtë mundësi për të përjetuar diçka të bukur.
Peshqit
Do të jetë Neptuni ai që do të ndikojë më shumë në shenjën tuaj gjatë kësaj jave, duke jua pështjelluar idetë dhe duke ju bërë të ndiheni të pasigurt. Të martën Hëna e plotë do të ndikojë duke ju krijuar një ndjesi të çuditshme dhe një situatë të paqartë në shenjën tuaj. Prandaj, ju këshillohet të bëni kujdes që të mos gaboni dhe të mos i ndërlikoni gjërat, duke bërë ndoshta dhe figurë të keqe. Gjatë këtyre ditëve do të përballeni me njerëz të vendosur, prandaj tregohuni të matur.
