Dashi
Fillimi i javës do të jetë disi i vështirë, por falë logjikës dhe vendosmërisë tuaj do t’u jepni zgjidhje shumë problemeve. Duke filluar nga dita e shtunë Marsi do të largohet nga shenja juaj dhe ju do të ndiheni sërish energjikë dhe optimistë si dhe do të shfaqni një frymë mirëkuptimi ndaj atyre që keni pranë. Në fundjavë do ta keni të qartë se mund t’ia dilni mbanë në çfarëdolloj situate.
Demi
Ju pëlqen t’i vëzhgoni situatat kaotike nga larg, por pa u përfshirë asnjëherë drejtpërsëdrejti. Aty nga mesi i javës do të përballeni me disa probleme, por që në të vërtetë nuk ju interesojnë. Bëni kujdes në fundjavë kur Marsi do të largohet nga shenja juaj dhe do të hasni vështirësi në marrëdhëniet me të tjerët. Edhe pse Neptuni do të ndikojë negativisht në shenjën tuaj ditën e diel, përpiquni që të tregoni vetëpërmbajtje.
Binjakët
Me katër planetë kundër kjo javë s’do të jetë aspak e lehtë. Do të ndihet shumë ndikimi i Mërkurit, Marsit dhe Saturnit ditën e martë dhe të mërkurë. Në ato momente arsyetimi logjik do të jetë pika juaj e fortë, kësisoj do të mund ta përballoni më mirë situatën. Pas disa ditësh qetësie, të dielën do të ndieni dëshirën që të përmbysni skemat dhe të përgatiteni për javën në vazhdim.
Gaforrja
Gjatë kësaj jave do të hasni vështirësi në marrëdhëniet me të tjerët dhe mbase do t’ju duhet t’u shkoni për shtat atyre. Saturni në shenjën tuaj mund t’jua ndërlikojë disi punën, por gjithsesi duhet të shfaqeni të fortë e të vendosur. Megjithatë mos u shqetësoni, sepse në fundjavë do ta merrni veten falë kalimit të Marsit në shenjën tuaj e do të ndiheni dhe më të guximshëm. E diela do të jetë një ditë mjaft e mbarë për ju.
Luani
Do ta kaloni këtë javë në shoqërinë e njerëzve, të cilët do të përpiqen t’ju ndihmojnë ta pranoni më lehtë realitetin që përndryshe nuk do t’ju kishte pëlqyer shumë. Me pak fjalë, s’do të jeni ju protagonistët e javës për arsyen e thjeshtë që tani yjet ndriçojnë në një qiell tjetër. Të shtunën Marsi ju sfidon të mbani në kontroll ndjenjat tuaja, ndërsa të dielën mos mendoni për të ndryshuar të ardhmen, sepse nuk është momenti i përshtatshëm.
Virgjëresha
Ju nuk jeni nga ata lloj njerëzish që shkurajohen lehtë, prandaj s’do të ndikoheni shumë prej faktit që dita e mërkurë do të rezultojë mjaft e lodhshme për ju. Do të përballeni me pasiguritë tuaja, sepse ky është momenti ku shpërblehen të guximshmit. Në fundjavë Marsi dhe Mërkuri do t’ju ndihmojnë që të mund të gjeni veten në situata që ju duket sikur nuk ju përkasin. Mos bëni projekte të rëndësishme për të dielën, por jepuni pas argëtimit.
Peshorja
Kjo do të jetë një javë e mbarë për të lindurit e shenjës së Peshores. Aty nga data 9 Marsi do të largohet nga shenja juaj dhe ju do të rifitoni qetësinë. Ndikimi i tij do të vazhdojë të ndihet deri nga mesi i javës, duke ju krijuar ndjesinë se nuk keni shumë angazhime. Mos ua vini shumë veshin kritikave të tepruara, sepse në fakt nuk po nënvlerësoni dhe as nuk po lini pas dore asgjë. Të dielën përpiquni thjesht që të kaloni një ditë të këndshme.
Akrepi
Marsi, planeti i kuq, do të jetë protagonisti i vërtetë në shenjën tuaj gjatë ditëve në vazhdim. Ditën e mërkurë do të përpiqeni të qartësoni mendimet dhe të tregoheni racionalë. Më pas, të shtunën, Marsi do të kalojë sërish në shenjën tuaj, duke ju bërë që të ndiheni energjikë dhe në humor të mirë. Kësisoj do të ndjeni se e keni ju në dorë të ardhmen tuaj. Në fundjavë do të tregoni mirëkuptim ndaj dikujt që duket se jeton në një dimension tjetër.
Shigjetari
Aty nga mesi i javës do të përballeni me projekte dhe ide jo fort të favorshme për ju, por që për momentin e keni të vështirë t’i kundërshtoni. Përpiquni vetëm të mos angazhoheni shumë për detyrimet që nuk ju përkasin drejtpërsëdrejti, sepse për momentin nuk mund të bëni më shumë. Do ta mirëprisni praninë e Marsit në shenjën tuaj dhe do të mund të anashkaloni gjithçka që ju shqetësonte. Gjërat do t’ju ecin mbarë në aspektin profesional.
Bricjapi
Përpiquni që aty nga mesi i javës t’u shmangeni problemeve të cilave hë për hë nuk u jepni dot zgjidhje. Mos u përfshini në çështje që nuk ju përkasin, sepse vërtet për momentin nuk mund të bëni shumë. Kalimi i Marsit në shenjën tuaj do t’ju ndihmojë që të përballoni më mirë problemet dhe t’u shmangeni gjërave që ju shkaktojnë shqetësime. Situata do të jetë pozitive në aspektin profesional.
Ujori
Do ta filloni muajin plot entuziazëm dhe me dëshirën për t’iu përkushtuar gjërave të bukura e argëtuese. Por largimi i Mërkurit nga shenja juaj do t’jua presë shpresat. Ju këshillohet të ruani qetësinë dhe të veproni me maturi. Të dielën, prania e Neptunit në shenjën tuaj mund të ndikojë që të ndieni pasiguri për ndjenjat tuaja më intime, por mjafton që ta merrni ditën me lehtësi.
Peshqit
Është e vështirë t’i kuptosh qëllimet e dikujt, praninë e të cilit nuk mund ta injoroni. Ndoshta po shqetësoheni së tepërmi për probleme që mbase nuk janë reale. Të shtunën do të ndiheni të lehtësuar për shkak të praninë së Marsit në shenjën tuaj dhe falë vendosmërisë që do të tregoni. Do të përballeni me situata të paparashikueshme, por do të kuptoni se gjithçka është relative dhe se asgjë nuk është përfundimtare.
